«نۇر وتان» ساياسي پارتياسىنىڭ كەزەكتەن تىس XVII سەزىندە استانا اكىمى ادىلبەك جاقسىبەكوۆ ەلوردادا جۇمىسسىزدار جوق ەكەنىن ايتتى، - دەپ حابارلايدى "قامشى" پورتالى قازاقپاراتقا سىلتەمە جاساپ.
«استانا جالپىعا ورتاق ەڭبەك قالاسىنا اينالدى. بۇل قالادا جوعارى بىلىكتى كادرلار جۇمىس ىستەپ جاتىر، مىڭداعان جۇمىس ورىندارى اشىلدى. شىنتۋايتىنا كەلگەندە، ەلوردادا جۇمىسسىزدىق جوق دەسە دە بولادى. جۇمىسسىزدار سانى 2 مىڭعا جەتەر-جەتپەس دەڭگەيدە، بۇل - ءبىر ميلليونعا جۋىقتاپ قالعان قالاداعى كورسەتكىش. ال بوس جۇمىس ورىندارىنىڭ سانى الدەقايدا كوپ»، - دەپ اتاپ ءوتتى اكىم.
ونىڭ ۇستىنە قالا باسشىسىنىڭ ءسوزى بويىنشا، جۇمىسسىز 2 مىڭ ادام قازىرگى ۋاقىتتا قايتا وقىتىلىپ، قوعامدىق جۇمىستارعا ورنالاستىرىلۋدا.
