وسكەمەندە 2015 جىلى بالا تۋۋ كورسەتكىشى 6،1%-عا، حالىقتىڭ تابيعي ءوسىمى   27%-عا ارتتى.   نارەستەنىڭ ءولىم-جىتىمى 11،5%-عا ازايدى. ال انا ءولىمى تىركەلگەن جوق. بۇل تۋرالى بۇگىن قالالىق اكىمدىكتە وتكەن ەسەپ بەرۋ كەزدەسۋىندە وسكەمەن اكىمى تەمىربەك قاسىمجانوۆ حابارلادى.

تۋبەركۋلەزبەن اۋرۋ كورسەتكىشى 13،7%-عا جانە قاتەرلى ىسىك 0،7%-عا تومەندەگەن. 

ت. قاسىمجانوۆتىڭ ايتۋىنشا، دەنساۋلىق ساقتاۋ سالاسىنداعى جاقسى كورسەتكىشتەر مەديسينالىق قىزمەت ساپاسىنىڭ جاقسارۋىنا، جوعارى تەحنولوگيالىق جۇيەنى ەنگىزۋگە بايلانىستى. ءبىزدىڭ دارىگەرلەر شەتەلدە بىلىكتىلىكتى ارتتىرۋ كۋرستارىنان ءوتىپ، شەتەل كلينيكالارىنا وقۋعا بارادى.

وسكەمەن اكىمى وبلىس ورتالىعىندا دارىگەرمەن قامتاماسىز ەتۋ، جاس مامانداردى تارتۋ بويىنشا ماسەلەلەر شەشىلىپ جاتقانىن اتاپ ءوتتى.

ايتقانداي، وسكەمەندە بيىل سەمەي مەملەكەتتىك مەديسينالىق ۋنيۆەرسيتەتى اشىلدى. قالادا جاس ماماندارعا ارنالعان 70 ورىندىق جاتاقحانا سالىنۋدا. وبلىستىق اۋرۋحانا بازاسىندا ساll-سەنتر، وبلىستىق ساۋىقتىرۋ ورتالىعى، 1 مەديسينالىق مەكەمە اشىلدى، دەپ حابارلادى شقو اقپاراتتىق ورتالىعىندا.