«نۇر وتان» ساياسي پارتياسىنىڭ كەزەكتەن تىس XVII سەزىندە بەكىتىلگەن ءماجىلىس دەپۋتاتتىعىنا ۇمىتكەرلەردىڭ پارتيالىق تىزىمىندەگى ءانشى، اكتەر نۇرلان ءالىمجان تىزىمدەگى الاشتىڭ اياۋلى ازاماتتارى ءۇشىن تىلەكشى ەكەندىگىن جەتكىزدى، - دەپ حابارلايدى قازاقپارات. 

«پارتيالىق تىزىمگە ەنۋىم - مەن ءۇشىن جاڭا بەلەس. ەگەر دە ءوتىپ دەپۋتاتتىققا ءوتىپ جاتسام،  ەلباسىمىزدىڭ ۇلكەن جوسپارلارىن قازاقتىڭ ءبىر ازاماتى رەتىندە جۇزەگە اسىرۋعا ايانباي تەر توگەمىن دەگەن سەنىمدەمىن. الدىن الا ەشتەڭە جوسپارلامايمىن، ويتكەنى، بۇل - سايلاۋ. ءالى ەشكىم ەشقايدا وتكەن جوق. سوندىقتان، ءتىزىمنىڭ ىشىندە بولعانىما دا قۋانىشتىمىن»، - دەيدى ن.ءالىمجان.

سونداي-اق ءارتىس: «زامانداستارىمنىڭ اراسىنان  گەنناديي،  يليا، سەرىك دەپۋتاتتىققا وتسە، قازاقتىڭ سپورتىن اسپانداتار ەدى»،-دەيدى.

«ولار - قازاق سپورتىن اسپانداتپاسا، كەم تۇسىرمەيتىن ازاماتتار. جالپى، تىزىمدە  الاشتىڭ تالاي اياۋلىلارى بار. بارىنە تىلەكشىمىن. كىم بولسا دا، دەپۋتات بولعان سوڭ ەل ءۇشىن ءادىل ەڭبەك ەتۋى كەرەك»،-دەدى ن.ءالىمجان.