بۇگىن الماتىدا جالپىۇلتتىق سوسيال-دەموكراتيالىق پارتيانىڭ سەزى وتۋدە، - دەپ حابارلايدى "قامشى" پورتالى.
سەزدى اشقان پارتيا جەتەكشىسى جارماحان تۇياقباي بايانداماسىن «بۇگىنگى بيلىك كەتىپ، ورنىنا جاڭا بۋىن كەلۋى كەرەك!» دەپ باستادى.
ال، كەشە جسدپ مەن جالپىۇلتتىق ازاماتتىق جينالىس ۇيىمى بىرلەسكەن جيىن وتكىزىپ، جسدپ اتىنان پارلامەنت سايلاۋىنا 13 كانديدات ۇسىنۋ تۋرالى ۇيعارىم جاسالعان. ولاردىڭ اراسىندا بۇرىن جسدپ مۇشەسى بولماعاندار دا بار.
بۇعان دەيىن جسدپ-نىڭ كەيبىر بولىمشەلەرى «سايلاۋعا جارماحان تۇياقبايسىز قاتىسۋدى» ۇسىنعان. تۇپكىلىكتى شەشىم بۇگىنگى سەزدە قابىلدانىپ، پارلامەنت ءماجىلىسى دەپۋتاتتىعىنا جسدپ اتىنان ۇسىنىلاتىن كانديداتتار ءتىزىمى بەكىتىلۋى ءتيىس.
