اقىن مۇحتار شاحانوۆ الماتىدا ءوتىپ جاتقان جالپىۇلتتىق سوسيال-دەموكراتيالىق پارتيا سەزىنە كەلىپ، اياعىن كۇتپەي شىعىپ كەتكەن، - دەپ حابارلايدى "قامشى" پورتالى ازاتتىققا سىلتەمە جاساپ.
جالپىۇلتتىق سوسيال-دەموكراتيالىق پارتيا (جسدپ) بۇگىن الماتىدا وتكىزگەن سەزدە پارتيا اتىنان كەزەكتەن تىس پارلامەنت سايلاۋىنا تۇسەتىن ادامداردىڭ ءتىزىمىن بەكتتى. «كوكتوبە» دەمالىس كەشەنىندە ەكى جۇزگە جۋىق ادام قاتىسقان سەز شەشىمىنە سايكەس سايلاۋعا تۇسەتىن 27 كانديداتتىڭ اراسىندا زاۋرەش باتتالوۆا، بالتاش تۇرسىمبايەۆ، امىربەك توعىسوۆ، پەتر سۆويك، ءۋاليحان قايسار، ەرمۇرات ءباپي، قۇرمانعازى راحمەتوۆ، باقىتگۇل ماكىمباي، عابيدەن جاكەي سىندى بۇعان دەيىنگى سايلاۋلار كەزىندە جۇرتشىلىققا تانىلعان ادامدارمەن بىرگە اسحات راقىمجانوۆ، جانات ەسەنتايەۆ، راحىم ايىپ ۇلى، تازابەك سامبەتباي سياقتى پارلامەنت سايلاۋىنا جاڭادان ءتۇسىپ جاتقاندار بار.
سونىمەن بىرگە پارتيا تىزىمىنە ەنگىزۋ جونىندە الدىن الا كەلىسىلگەن كەيبىر ادامدار سايلاۋعا قاتىسۋعا ىقتيار بىلدىرمەگەن.
– اقىن مۇحتار شاحانوۆ بۇگىنگى جيىنعا كەلگەنىمەن، بەلگىسىز سەبەپتەرمەن كەتىپ قالدى. جازۋشى مەرەكە قۇلكەنوۆ پارتيالىق ءتىزىم بويىنشا سايلاۋعا قاتىسۋدان باس تارتتى، - دەيدى جسدپ باسپا ءسوز حاتشىسى تازابەك سامبەتباي.
بۇعان دەيىن 2012 جىلى قاڭتاردا وتكەن پارلامەنت سايلاۋىنا جسدپ «ازات» پارتياسىنىڭ قولداۋىمەن قاتىسقانىمەن، قاجەتتى داۋىس «جيناي الماعان» ەدى.
