رەسەي باسشىسى ۆلاديمير پۋتين ساۋد ارابياسىنىڭ سيرياداعى احۋالعا ارالاسىپ وتىرعانىنا بەي-جاي قارامايتىنىن مالىمەدى، - دەپ حابارلايدى «قامشى» پورتالى «رەالنىە نوۆوستي» اقپاراتتىق سايتىنا سىلتەمە جاساپ.
بۇرىنىراق رەسەي باسشىسى ساۋديا الەمدە بەيبىتشىلىك ورناتۋعا كەدەرگى كەلتىرىپ وتىر دەپ ايىپتاعان ەدى.
«...رەسەي سيرياداعى ساۋديالىقتاردى بومبالاپ تاستايدى. سيريالىق پارتيالار كەلىسىم ستولىنا وتىرىپ، ساۋديالىقتاردىڭ دەسترۋكتيۆتى ارەكەتتەرىن اشكەرەلەرۋى كەرەك. ساۋديالىقتار تاياۋ شىعىستاعى لاڭكەستەرگە كومەكتەسۋىن قويماسا، رەسەي ساۋد ارابياسىن بومبالاپ، ورتا عاسىرعا قايتادان اپارىپ تاستايدى» دەگەن ەدى.
ۆ. ءپۋتيننىڭ ويىنشا رەسەيدىڭ ساۋد ارابياسىنا قارسى قاتاڭ شارالارى يشيم سولاردىڭ قولداۋىمەن الەمگە ءقاۋىپ ءتوندىرىپ تۇرعاندىقتان اقتالاتىن كورىنەدى. سونداي-اق، الەمدىك قاۋىمداستىق اقش پەن ساۋد ارابياسىنىڭ كۇدىكتى بىرلەستىگىنىڭ ءقاۋپى تۋرالى ءبىلۋى كەرەك ەكەن.
باسىلىم، سونىمەن قاتار، رەسەي پرەزيدەنتىنىڭ باسپا ءسوز حاتشىسى دميتريي پەسكوۆتىڭ اپتالىق باسپا ءسوز ءماسليحاتىندا ساۋد ارابياسىن سيرياداعى ال- كايدا ۇياشىقتارىن قولداپ وتىر دەپ سىنعا العانىن جازادى.
«ساۋديالىق كوسەمدەر بيلىككە جابىسىپ العانى سونشالىق، ولار اينالاسىنداعى ەلدەردەگى تىنىشتىقتى بۇزۋ ارقىلى وزدەرىن قۇتقارامىز دەپ ۇمىتتەنەدى»، - دەدى د. پەسكوۆ.
