قاراعاندى وبلىسىندا ايەلدەردىڭ تۇزەۋ مەكەمەسىنە اياق كيىمنىڭ ۇلتاراعىنا گەروين جاسىرىپ وتكىزبەك بولعان ارەكەتتىڭ جولى كەسىلدى، - دەپ حابارلايدى «قامشى» پورتالى ءىىم قىلمىستىق اتقارۋ جۇيەسى كوميتەتىنىڭ باسپا ءسوز قىزمەتىنە سىلتەمە جاساپ.
وقيعا كوكسۋ كەنتىندە ورنالاسقان اك-159/9 تۇزەۋ مەكەمەسىندە بولعان.
«جۇرگىزىلىپ جاتقان ۇزدىكسىز ءتۇسىندىرۋ جۇمىستارىنا قاراماستان كەي ازاماتتار رەجيمدىك نىساندارعا تىيىم ساتىلعان زاتتاردى ءتۇرلى جولدارمەن الىپ ءوتۋى ارەكەتتەرىن توقتاتار ەمەس. بيىلعى جىلى ءبىرىنشى رەت مەكەمەدە جازاسىن وتەۋشىگە جىبەرىلگەن سالەمدەمەلەردىڭ اراسىنان ەسىرتكى جاسىرىلعان ەكى ۇلتاراق انىقتالدى. سوت-حيمياوىق ساراپتاما ۇلتاراققا جاسىرىلعان زاتتىڭ گەروين ەكەنىن راستادى. ءقازىر اتالعان وقيعا بويىنشا تەكسەرۋ جۇرۋدە»، - دەيدى قاراعاندى وبلىسى بويىنشا قاج دەپارتامەنتىنىڭ باسشىسى دارحان قاناتبەكوۆ.
