قازاقتىڭ اياۋلى ۇلى، اردا ازامات اسقار جاكۋليننىڭ ءمايىتى بەيجىڭنەن الماتىعا اكەلىندى، - دەپ حابارلايدى «قامشى» پورتالى.
قازاق حالقىنىڭ ءبىر تۋار ۇلى، قازاق مادەنيەتىنىڭ، ونەرى مەن سپورتىنىڭ جاناشىرى، بەلگىلى كاسىپكەر اسقار ءانۋار ۇلى جاكۋلين ۇزاققا سوزىلعان ناۋقاستان 2016 جىلى 2 اقپان كۇنى جۇڭگو استاناسى بەيجىڭدە ماڭگىلىك ساپارعا اتتاندى. مارقۇمنىڭ ءمايىتى بۇگىن تاڭەرتەڭ الماتىعا جەتكىزىلدى.
اتاقتى جاكۋلا بولىستىڭ نەمەرەسى، اسىلدىڭ سىنىعى اسقار جاكۋلين قىتايدا تۋىپ، گەرمانيادا جوعارى ءبىلىم العان. قىتايداعى تۇڭعىش قازاق تىلىندەگى «اۋىل» سايتىنىڭ نەگىزىن قالاپ، اتامەكەنى قازاقستاندا «اس-اي» كومپانياسىن قۇرعان بولاتىن.
مارقۇمنىڭ جانازاسى ەرتەڭ الماتىداعى ۇيىندە شىعارىلىپ، تۇستە قۇرمانعازى مەن فۋرمانوۆ كوشەلەرىنىڭ قيىلىسىندا ورنالاسقان «قابىلداۋ ۇيىندە» اسى بەرىلەدى.
