قازاقستان رەسپۋبليكاسى ۇلتتىق ۇلانى «وڭتۇستىك» وڭىرلىك قولباسشىلىعىنا قاراستى 5571 اسكەري بولىمىندە 2015 جىلعى جەلتوقسان ايىندا اسكەر قاتارىنا شاقىرىلعان جاس ساربازدارىن الماتى قالاسىندا قوعامدىق ءتارتىپ پەن قاۋىپسىزدىكتى قامتاماسىز ەتۋ بويىنشا جاۋىنگەرلىك قىزمەتكە شىعارۋعا بايلانىستى سالتاناتتى ءىس-شارا ءوتتى، - دەپ حابارلايدى «قامشى» پورتالى قولباسشىلىقتىڭ باسپا ءسوز قىزمەتىنە سىلتەمە جاساپ.ءىس-شارا بارىسىندا قازاقستان رەسپۋبليكاسىنىڭ مەملەكەتتىك تۋى كوتەرىلىپ، جاس جاۋىنگەرلەر تەبىرەنە قازاقستان رەسپۋبليكاسىنىڭ مەملەكەتتىك ءانۇرانىن شىرقادى. مەملەكەتتىك تۋدى كوتەرۋ قۇقىعى وسى اسكەري ءبولىمنىڭ ۇزدىك ساربازى باۋىرجان قابدىراحمانوۆقا بەرىلدى.

جاۋىنگەرلىك قىزمەتكە العاش تۇسكەلى وتىرعان جالىندى جاس جاۋىنگەرلەردى «وڭتۇستىك» وڭىرلىك قولباسشىلىعى قولباسشىلىعىنىڭ ءبىرىنشى ورىنباسارى – شتاب باستىعى گەنەرال-مايور اندرەي كاسكەلەنوۆ قۇتتىقتاپ، بارشا جەكە قۇرامعا ساتتىلىك تىلەدى.

بۇنىمەن قوسا جاس جاۋىنگەرلەردى قۇتتىقتاۋعا الماتى قالاسى بويىنشا ءىىد جەرگىلىكتى پوليسيا قىزمەتىنىڭ باستىعى پوليسيا پودپولكوۆنيگى جاسۇلان بايكەنوۆ، «وڭتۇستىك» وڭىرلىك قولباسشىلىعى ارداگەرلەر كەڭەسىنىڭ ءتوراعاسى وتستاۆكاداعى پولكوۆنيك گەنناديي فالەيەۆ جانە 5571 اسكەري ءبولىمى ارداگەرلەر كەڭەسىنىڭ ءتوراعاسى وتستاۆكاداعى پولكوۆنيك ۆيكتور ماكولوۆ ارنايى كەلىپ، وزدەرىنىڭ جىلى لەبىزدەرىن ارنادى.

اتالمىش شارادا جاۋىنگەرلىك قىزمەتتەرىن ءساتتى ورىنداعان اسكەري قىزمەتشىلەر «باۋىرجان مومىش ۇلى – باتىر شاپاعاتى» جانە «جاۋىنگەرلىك ايبىنى ءۇشىن» مەدالدارىمەن ناگرادتالدى، ال جاۋىنگەرلىك قىزمەتكە العاش كىرىسكەلى وتىرعان ساربازدارعا وزدەرىنىڭ كومانديرلەرىمەن دايىندالعان سىيلىقتار تابىستالدى.

ءسويتىپ، اسكەري وركەستردىڭ سۇيەمەلدەۋىمەن جاس ساربازدار جاۋىنگەرلىك قىزمەت اتقارۋعا - الماتى كوشەلەرىندە قوعامدىق ءتارتىپ پەن قاۋىپسىزدىكتى كۇزەتۋگە اتتاندى.