يسپاندىق Cybermetrics Lab زەرتتەۋ توبى ۇزدىك–20 قازاقستاندىق ۋنيۆەرسيتەت سايتتارىنىڭ ءتىزىمىن جاريالادى. Cybermetrics Lab زەرتتەۋ توبى قۇراستىرعان ۋنيۆەرسيتەت سايتتارىنىڭ الەمدىك رەيتينگىنىڭ قازاقستاندىق بولىگىندە ءال-فارابي اتىنداعى قازاق ۇلتتىق ۋنيۆەرسيتەتىنىڭ پورتالى كوش باستاپ تۇر، - دەپ حابارلايدى «قامشى» پورتالى ۋنيۆەرسيتەتتىڭ باسپا ءسوز قىزمەتىنە سىلتەمە جاساپ.
ساراپشىلار سايتتاردى باعالاۋ كەزىندە پورتالداردىڭ ىزدەۋ جۇيەلەرىندە انىقتالىپ شىعۋىنا، اتاپ ايتقاندا گيپەرسىلتەمەلەردىڭ سانى مەن ىزدەۋ جۇيەلەرىندە كورىنۋىنە باسا نازار اۋداردى. رەيتينگ جىلىنا ەكى رەت جارىققا شىعادى. قاڭتار مەن شىلدە ايىنىڭ العاشقى 20 كۇنىندە 24 مىڭنان استام پورتالدار تۋرالى مالىمەتتەر جينالادى. قۇراستىرۋشىلاردىڭ نەگىزگى ماقساتى ءبىلىم بەرۋ باعدارلامالارىنا ساي ۋنيۆەرسيتەتتەردى عالامتورداعى بەلسەندىلىگىن ارتتىرۋعا ىنتالاندىرۋ. اقپاراتتار كوبىنە Google جانە Google Scholar-دان كەلىپ تۇسەدى. تومەندە 20-ۇزدىك قازاقستاندىق جوعارى وقۋ ورىنى سايتتارىنىڭ رەيتينگىسى ۇسىنىلعان:
- ءال-فارابي اتىنداعى قازاق ۇلتتىق ۋنيۆەرسيتەتى؛
- ساتبايەۆ اتىنداعى قازاق ۇلتتىق تەحنيكالىق ۋنيۆەرسيتەتى؛
- ل.ن.گۋميليەۆ اتىنداعى ەۋرازيا ۇلتتىق ۋنيۆەرسيتەتى؛
- س.ج.اسفەندياروۆ اتىنداعى قازاق ۇلتتىق مەديسينا ۋنيۆەرسيتەتى؛
- تورايعىروۆ اتىنداعى پاۆلودار مەملەكەتتىك ۋنيۆەرسيتەتى؛
- قاراعاندى مەملەكەتتىك تەحنيكالىق ۋنيۆەرسيتەتى؛
- شاكارىم اتىنداعى سەمەي مەملەكەتتىك ۋنيۆەرسيتەتى؛
- بۋكەتوۆ اتىنداعى قاراعاندى مەملەكەتتىك ۋنيۆەرسيتەتى؛
- اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتى؛
- د.سەرىكبايەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتى؛
- اباي اتىنداعى قازاق ۇلتتىق پەداگوگيكالىق ۋنيۆەرسيتەتى؛
- مەنەدجمەنت جانە بولجاۋ ينستيتۋتى؛
- نازاربايەۆ ۋنيۆەرسيتەتى؛
- قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسى؛
- مىرزاحمەتوۆ اتىنداعى كوكشەتاۋ ۋنيۆەرسيتەتى؛
- قازاق-بريتان تەحنيكالىق ۋنيۆەرسيتەتى؛
- امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتى؛
- وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتى؛
- الماتى ەنەرگەتيكا جانە بايلانىس ۋنيۆەرسيتەتى؛
- قوزىبايەۆ اتىنداعى سولتۇستىك قازاقستان مەملەكەتتىك ۋنيۆەرسيتەتى.
جاھاندىق رەيتينگتە ءبىرىنشى ورىندى گارۆارد ۋنيۆەرسيتەتىنىڭ سايتى، ەكىنشى ورىندى ستەنفورد ۋنيۆەرسيتەتىنىڭ سايتى، ال ءۇشىنشى ورىندى ماسساچۋسەتس تەحنولوگيالىق ينستيتۋتى العانىن اتاپ ءوتۋ كەرەك.
