ادامنىڭ بويى ءتۇرلى سوزىلمالى اۋرۋلاردىڭ  دامۋىنا ونىڭ قانشالىقتى بەيىمدىلىگىن انىقتايدى. مۇنى پوتسدامدا نەمىس Institute of Human Nutrition زەرتتەۋشىلەرى انىقتادى. ۇزىن بويلى ادامدار وبىرعا ءجيى شالدىقسا، كەرىسىنشە ولاردا سۋسامىر، جۇرەك-قان تامىرلارى اۋرۋلارى سيرەك كەزدەسەدى ەكەن. بۇل تۋرالى قازاقپارات حابارلادى.

گارۆارد دەنساۋلىق ساقتاۋ مەكتەبىندەگى ارىپتەستەرىمەن بىرلەسىپ جاساعان  نەمىس عالىمدارىنىڭ زەرتتەۋى ادامداردىڭ بويىنىڭ ۇزىندىعى دەنە سالماعى مەن باسقا دا تاۋەكەل فاكتورلارىنان تىس كەيبىر ءجيى تارالاتىن اۋرۋلاردان بولاتىن ولىم-جىتىمگە ىقپال ەتەتىنىن  دالەلدەدى.

ەپيدەميولوگيالىق دەرەكتەر ورتاشا بوي 6،5 سانتيمەترگە ۇلعايعان كەزدە جۇرەك-قان تامىرلارى اۋرۋىنان ورىن الاتىن ءولىم-جىتىم 6 پايىزعا تومەندەيتىنىن كورسەتەدى. اۆتورلاردىڭ ايتۋىنشا، بويدىڭ ءوسۋى جوعارى كالوريالى، اقۋىزعا باي  تاعامدى كوپ تۇتىنۋدان بولادى.

بۇل دەنساۋلىق باعدارلاماسى انانىڭ قۇرساعىندا بولعاندا، جاسالىپ قويادى. ادامنىڭ بويىنىڭ ءوسۋى 1 جانە 2 ينسۋلين سياقتى فاكتورلارمەن قامتاماسىز ەتىلەتىنىن اتاپ وتەمىز. ونىڭ جۇيەسىن بەلسەندىرۋ اعزانىڭ ينسۋلينگە سەزىمتالدىعىن ارتتىرادى. ال باۋىردا ماي از جينالادى. بويى ۇزىن ادامداردا جۇرەك-قان تامىرلارى مەن سۋسامىر اۋرۋلارىنىڭ تاۋەكەلى تومەن بولاتىنى وسىدان.

زەرتتەۋ اۆتورلارى دارىگەرلەرگە وسىنى نازاردا ۇستاۋعا شاقىرادى، - دەپ جازادى شەتەلدىك ب ا ق.