قىزىلوردا وبلىسى جاڭاقورعان اۋدانىنداعى تۇگىسكەن، كەلىنتوبە، كوكتوبە اۋىلدارىندا بۇل ءداستۇر ءالى كۇنگە قاتاڭ ساقتالىپ كەلەدى، - دەپ حابارلايدى «قامشى» پورتالى  STAN.KZ-كە سىلتەمە جاساپ. سايت سونداي-اق، سوڭعى ۋاقىتتا وبلىس ورتالىعىنىڭ  تۇرعىندارى دا وسى ادەتتى قاتاڭ ۇستاۋعا تىرىساتىنىن جازادى.

ويتەكەنى اقساقالدار مەن اۋلەتتىڭ ۇلكەندەرى مۇنداي قاعيدانى جاستارعا ۇيرەتىپ، اتا-انالارىنا قاداعالاۋدى تاپسىرادى ەكەن.

وسىنداي جازىلماعان تارتىپكە باعىنباعان بىرنەشە جۇپتىڭ وقيعاسى  ءوڭىر حالقىنىڭ ەسىندە. ءتىپتى رۋعا بولىنۋگە قارسىلار توپتاسىپ، جيىن-تويدا ەلدى مۇنداي ادەتتى قويۋعا  بارىنشا شاقىرىپ، اقىل ايتىپ وتىرادى ەكەن.

تۇگىسكەن اۋىلىنىڭ اقساقالى زاكىر ءابدىراشتا رۋعا بولىنۋگە قارسى ازاماتتاردىڭ ءبىرى. ول ءتىپتى مۇنىڭ ۇرپاق دەنساۋلىعى مەن ەلدىڭ اراسىندا ارازدىق تۋدىراتىن جامان جاعى كوپ دەيدى.

«ءوزىم «قوجا» ەمەسپىن. ءبىراق اۋىلداستارىمنىڭ  جاعدايىن كورىپ جاعامدى ۇستايمىن. بۇل – ءوز-وزىمىزدى ءبولۋ. مۇنداي ۇستانىمنىڭ قانداي قاعيداعا سۇيەنە وتىرىپ جۇزەگە اسىرىلاتىنىن دا تۇسىنەر ەمەسپىن. ازداعان عانا ادامدار توبى، ءوزارا  قىز الىسابەرەتىن بولسا بالالارىنىڭ قانى قالاي تازا بولادى؟ ولار وزدەرى «تازا قانىمىزدى ساقتاۋىمىز كەرەك دەيدى» بۇل كەرىسىنشە ۇرپاقتىڭ قانىن بۇزىپ جاتىر»،-دەيدى زاكىر ءابدىراش.

ءتىپتى ماحابباتتارى جاراسقان جۇپتار دا وسى ماسەلەنىڭ توڭىرەگىندە ايرىلىسۋعا ءماجبۇر بولادى ەكەن.

ءوزىن ءسانيا دەپ تانىستىرعان ارۋ باسىنان وتكەن جاعدايدى كوزىنە جاس الا وتىرىپ بايانداپ بەردى.

«ءبىز نۇرجانمەن قالادا تانىسىپ ءۇش جىلداي جۇردىك. ول ۇيلەنۋ ماسەلەسىنە كەلگەندە كىبىرتىكتەپ قالاتىن.  ستۋدەنت كەزىمدە ءمان بەرمەدىم. وقۋ ءبىتىرىپ جۇمىس ىستەي باستاعان تۇستا ول اۋىلىنا بارىپ جوق بولىپ كەتتى. سول كەزدە اتا-اناسىنىڭ كەڭەسىمەن ۇيلەنىپ الىپتى. ىزدەپ بارىپ مەنىڭ رۋىمنىڭ اۋلەتتەرىنىڭ تالابىنا ساي كەلمەگەنىن ءتۇسىندىم»،- دەيدى ءسانيا.

ال، زاكىر اقساقال ءوزى تۇراتىن اۋىلدا  بۇل وقيعادان دا وتكەن قايعىلى جاعدايلاردىڭ بولعانىن ەسىنە الادى.

«اۋىلداسىمىزدىڭ جالعىز ۇلى ەشكىمنىڭ ءسوزىن تىڭداماستان قالادان كەلىن اكەلدى. اۋلەتتەگىلەر جاقتىرماعانى راس. كەلىندى تۇرتپەكتەي بەرگەن بولۋ كەرەك. بار كىناسى قوجا ەمەستىگى عوي باياعى.  توركىنىنە كەتىپ قالدى. ەكى كۇن وتكەننەن كەيىن جالعىز ۇل اسىلىپ قالدى. ەندى بۇدان وتكەن سوراقىلىقتى بىلمەيمىن مەن. ءبىراق، اۋىلداستار بۇل وقيعادان دا ساباق الماعان سياقتى»،-دەپ كۇيىنەدى اقساقال.

سامات قۋانىشبايەۆ ەسىمدى جىگىت  ەكى جىل بۇرىن شاڭىراق كوتەرگەن. جارى دا قوجانىڭ قىزى. ولرۋلاستارىنىڭ اراسىنداعى مۇنداي جاعدايلاردى جوققا شىعارمايدى.

«مەن وقۋ ءبىتىرىپ كەلگەندە انام قازىرگى جارىممەن تانىستىرعان بولاتىن. ۇيلەن تاعى باسقا ارتىق ءسوز، تالاپ بولعان جوق. ءبىز ءبىر-بىرىمىزدى ۇناتىپ قالدىق. سودان وتباسىن قۇردىق. ال،ۇيدە مەننەن بولەك ءبىر قارىنداسىم بار. انام وعان ۇنەمى «قوجانىڭ جىگىتىنە تۇرمىسقا شىق. قانىڭدى ساقتا» دەپ ايتىپ وتىرادى. اۋلەت بولىپ، رۋلاستار جينالعان كەزدە دە ءازىل-شىنى ارالاس  ءبىز «اقسۇيەكتەرمىز» دەيتىندەر كوپ»،-دەيدى سامات قۋانىشبايەۆ.