قازاقستاننىڭ ۇلتتىق ۆاليۋتاسى تەڭگەدە ەندىگى ۋاقىتتا باس بانك ءتوراعاسىنىڭ قولتاڭباسى بولمايدى. بۇگىن ەلباسى اتالعان وزگەرىستەردى بەكىتۋ تۋرالى جارلىققا قول قويدى، - دەپ حابارلايدى «قامشى» پورتالى.
رەسمي قۇجات ق ر نورماتيۆتىك-قۇقىقتىق اكتىلەرىنىڭ اقپاراتتىق-قۇقىقتىق جۇيەسى سايتىندا جاريالاندى.
«2003 جىلعى 25 قىركۇيەكتەگى №1193 «»ۇلتتىق ۆاليۋتا – قازاقستان تەڭگەسىنىڭ كونسەپسياسى مەن ديزاينىن بەكىتۋ تۋرالى» جارلىقتىڭ 13-1 تارماقشاسى الىنىپ تاستالسىن»، - دەلىنگەن جارلىقتا.
اتالعان پۋنكتە «بانكنوتتىڭ بەت جاعى نەمەسە ارتقى بەتىندە بانكنوتانىڭ ازىرلەنۋ كەزىندەگى ق ر ۇلتتىق بانكى ءتوراعاسىنىڭ قولتاڭباسى بولۋى كەرەك» دەلىنگەن تالاپ بولاتىن.
