قوعامدىق كەلىسىم كەڭەسى الدا كەلە جاتقان قازاقستان رەسپۋبليكاسى پارلامەنت ءماجىلىسى مەن بارلىق دەڭگەيدەگى ءماسليحات دەپۋتاتتارىنىڭ كەزەكتەن تىس سايلاۋىن قولدايتىندىقتارىن جەتكىزدى. ءبىر اۋىزدان شەشىمدى قابىلداعان وتىرىس مۇشەلەرى ازاماتتاردى سايلاۋعا بەلسەندى قاتىسۋعا شاقىردى، - دەپ حابارلايدى "قامشى" پورتالى.
قازىرگى تاڭدا ايماقتاعى قوعامدىق كەلىسىم كەڭەسىنىڭ جۇمىس اۋقىمى كەڭەيگەن. قوعامدىق جانە مەملەكەتتىك ۇيىمدارمەن جۇمىس جاسايتىن كەڭەس سونداي-اق، «ۇلت جوسپارى – 100 ناقتى قادام» باعدارلاماسىن ىسكە اسىرۋ جولدارى قاراستىرۋدا.
– مەملەكەتتىك باعدارلامالاردى ىسكە اسىرۋدا وڭىردەگى بارلىق ۇيىمدارمەن بىرلەسىپ جۇمىس جاساعانىمىز دۇرىس. سەبەبى «ۇلت جوسپارى –100 ناقتى قادام» مەملەكەتتىك باعدارلاماسىن جۇزەگە اسىرۋمەن قاتار، الدىمىزدا كەلە جاتقان سايلاۋ ناۋقانىندا تىنىمسىز ەڭبەك ەتىپ، قولداۋ كورسەتۋىمىز قاجەت، – دەدى وبلىستىق بەلارۋس ەتنومادەني بىرلەستىگىنىڭ مۇشەسى اناتوليي زلوتنيكوۆ.
