Qatardaǵy qazaq otbasynda bári bolmasa da, kópshilik ananyń balasyna: "El Azamaty bol, namysyńdy taptatpa, Ata-Baba arýaǵyn qasterle" deýdiń ornyna mynaý emes pe: "Qaıtesiń sol ádildikti, qaıdaǵy demokratıa, tynysh júr, bastyqtyń aıtqanyn iste. Qarasaıshy, tipti Altynbek, Zamanbek, Muhtar sekildi arystar elim, jerim dep júrip oqqa ushqanyn, túrmege taǵatylǵanyn. Jalǵyz sen ne bitiresiń? Jaıyńa otyr." Alaıda,  bul analarymyzdyń kinási ma? Jok, saıası ortanyń kinási. Endi, kúni keshe Reseıdiń basqynshyl saıasatyna qarsy shyqqan belsendilerdi qoldaý ornyna, bılik olardy qaıta sottady, aıyptady. Ol az bolǵandaı, polısıa shyrmaýyna endi sábıler ilikti... Qoǵamymyzdy osynaý aramzalyq, pulqumarlyq, kózboıaýshylyq pen jaǵympazdyq derti basqanda, bógdeniń soıylyna tize búkkende jastarǵa qandaı tárbıe bermekpiz? Alla saqtasyn! El basyna kún týsa, Otanyn qorǵaıtyn sarbazdar qaıdan tabylmaq? Osyny kim oılaıdy?