Biz bıdaı men undy eksporttaýdan álemdik kóshbasshylardyń qataryndamyz dep maqtanamyz. Biraq, elimizdegi iri agrokompanıalardyń qaryzy 5-6 mlrd dollarǵa jetti. Kóbisi qazir bankrot aldynda turǵandyqtan, kóktemgi egistik naýqanyn bastaı almaı otyr. Agrosektordaǵy qarjylyq ahýaldy retteý úshin 300 mlrd teńge aqsha bólingenimen, problema túpkilikti sheshilmeıdi. Óıtkeni, bul qarjylar bankter arqyly sharýalarǵa 7 paıyzben beriledi. 7 paıyz óte kóp! Dıhandar uzaq merzimge ári arzan nesıemen qamtamasyz etilmeıinshe, ólermen hálde júre beredi. Osydan 5-6 jyl buryn Eýropalyq Odaq búdjetiniń 50 paıyzyn agrarlyq sýbsıdıalarǵa bóletin. Jer olardy nesibesiz qaldyrmaıtynyna dánigip alǵan. Al bizdiń jer qunarly ǵoı, túgin tarsań maıy shyǵady. Bir ǵana agrosektordy damytý arqyly shalqyp otyratyn qazaq edik... Átteń....