Búgin Almatyda «Ekonomıkalyq saýattylyqty arttyrýdyń halyqaralyq qory» men kaspi kank «Qarjy mádenıeti» baǵdarlamasy aıasynda qazaqstandyqtardyń qarjylyq saýattylyǵy týraly jalpyulttyq zertteýdiń qorytyndysyn jarıalady. Zertteýge Qazaqstannyń 14 oblysynan 1200 adam qatysqan.Olardyń árbir úshinshisi óziniń qarjylyq saýattylyǵyn qanaǵattanarlyqsyz dep baǵalaǵan. kaspi bank-tiń basqarma tóraǵasy Mıhaıl Lomtadzeniń aıtýynsha turǵyndardyń ózderine syn kózimen qarýy olardyń bilimin jetildirýge nıeti barlyǵyn bildiredi. Zertteýden belgili bolǵandaı árbir úshinshi qazaqstandyq artyq qarajatyn «jastyqtyń astynda» saqtaǵandy jón kóredi. Otandastarymyzdyń árbir ekinshisi salymdardyń qaýipsizdigine memleket kepil beretinin bilmeıdi. Tek 10 adamnyń 1-i ǵana qarajatyn bankte jınaıdy. Otandastarymyzdyń 40 paıyzy januıalyq búdjetiniń esebin júrgizbeıdi. Nátıjesinde árbir ekinshi adam aı sońynda aqshasyz qalady. Mundaıda kópshiligi únemdeýge, tanystarynan qaryzǵa aqsha alatynyn aıtqan. Al, 7 paıyzy bankterge nesıe alýǵa júgiredi eken. Suralǵandardyń 43 paıyzy bankterdegi depozıttiń saqtandyrylǵanyn bilmeıdi jáne túgelge jýyǵy (biletinder 6%-aq paıyz), memleketpen kepildendiriletin shekti somanyń mólsherin bilmeıdi (5 mıllıon teńgege deıin). Sarapshylar halyqtyń bul aqparattan habarsyz bolýy jalǵan SMS-habarlamanyń saldarynan daǵdarystyń týýyna áseri boldy deıdi. Zertteý qorytyndysy boıynsha sarapshylar qazaqstandyqtardyń ınvestısıa, qarajatty saqtaý men nesıelendirý boıynsha qarjylyq saýatyn arttyrý jedel qolǵa alynýy qajet dep otyr. Saýalnama Brif Research Group jáne TNS Gallup kompanıalarymen júrgizildi. Eske sala keteıik, qańtar aıynda kaspi bank «Qarjy mádenıeti» aǵartý baǵdarlamasyna 1 mıllıon dollar bólgen bolatyn. Bul qarjy qazaqstandyqtardyń qarjylyq saýatyn arttyrýǵa baǵyttalǵan túrli jobalardy qoldaýǵa baǵyttalǵan ınvestısıa bolmaq.