Osy FB-da jáne keıbir BAQ-ta Muqań - Muqtar Shahanov týraly biraz artyqtaý sóz jazylyp jatqanyn kórip jatyrmyz. O bastaǵy prınsıpim sol - bizde kózi tiri eshkimniń jeke basyna tabyný bolmaýy kerek! Jáne de ótken Muqań uıymdastyrǵan Quryltaıǵa qatysty synı pikirimdi men de kezinde aıtqanmyn, bir aıtarym - eshkimniń jeke basyna tıiskenim joq, dálelsiz aqparat taratqanym joq. Biraq, jaqsynyń jaqsylyǵyn aıt degen taǵy bar. Muqań - aqyn ári azamat retinde jańasha qazaq tarıhynda óz ornyn oıyp alǵan bıik Tulǵa! Árıne, saıasat bolǵandyqtan ártúrli qadamdar bolady. Meniń túsinýimshe, Muqań saıasatqa halqy, ulty úshin aralasty. Sondyqtan aǵamyz týraly ártúrli alyp-qashpa áńgimeni eń aldymen, biz, qazaqtar ózimiz, doǵarǵanymyz durys bolar. Sóılesek, jeke basqa tıispeı, ósek sóz jınamaı, bıik, halyqtyq turǵydan sóz sóıleıik, kerek bolsa, ortaq isti jaqsartý turǵysynda syn da aıtaıyq. Keıbir Muqańdy jáne basqa da bılikke syn aıtýshylardy synap-mineýdi unatatyn qazaq tildi saıttarǵa aıtarym mynaý: Sózderińiz, syndaryńyz ósek emes, kesek bolsyn! Ulttyq platformadaǵy kúshter men tulǵalardyń etegine basqalardyń da jarmasyp jatqany jeter! Olarǵa sizder qosylmaı-aq qoıyńyzdar! Synasańyzdar, eldi, ultty osyndaı músápir jaǵdaıǵa jetkizgen aǵymdaǵy bılikti synap kórińizder!

Ámirjan Qosanov

(Fb paraqshasynan)