Jer reformasy jónindegi komısıanyń úshinshi otyrysynda qoǵam qaıratkeri ári atalǵan komısıanyń múshesi Murat Ábenov elimizde turǵyn úı salý úshin 1 mıllıonnan astam azamat jer alý kezeginde turǵandyǵyn aıtyp, osy máseleniń sheshilýine kómektesý kerektigin aıtty, - dep habarlaıdy Qamshy.kz.

Qolda bar málimetterge kóz júgirtsek, elimizde úı salý úshin 10 sottyq jer alý kezeginde 1 mıllıonnan astam azamat kezekte tur eken. Onyń ústine sońǵy kezderi qoǵam arasynda bul másele jer-jerlerde qyzý talqylanýda. Jańa Baqytjan Saǵyntaev myrza Jer reformasy jónindegi komısıasynyń el ishindegi abyroı-bedeli men buqaranyń senimi jóninde óte oryndy pikir aıtty. Soǵan qosymsha, aıtqym keletini: eger joǵaryda atalǵan kezekte turǵan 1 mıllıonnan astam azamattyń máselesin ońtaıly sheship, rettep berýge atsalysatyn bolsaq, kommıssıaǵa degen senimdilik te nyǵaıa túsetini sózsiz, - dedi Ábenov.