Úkimet janyndaǵy Jer komısıasynyń múshesi Myrzataı Joldasbekov komısıa jınalystarynan sharshaǵanyn aıtty, - dep habarlaıdy Qamshy.kz.

«Men myna jınalystardan sharshadym. Maıqy bı aıtqandaı, mánsiz jıyn bop ketti. Naqtylaqqa kóshsek», - degen M. Joldasbekov óńirlerde ótip jatqan jer jónindegi qoǵamdyq keńes jetekshilerin komısıaǵa shaqyryp, tyńdaýdy usyndy.

Sondaı-aq, M. Joldasbekov jerdiń jeke menshikte bolýy qazaq tarıhynan bar nárse ekenin aıta kelip, narazy azamattardyń qýǵyndalýy týraly oıyn aıtty.

«Men jańa estip otyrmyn. Bizde shynymen sonsha adam túrmede otyr ma? Onda onyń barlyǵyn zerttep, Úlken kisige jetkizý kerek. Eldiń tynyshtyǵy kerek», - dedi M. Joldasbekov.

M. Joldasbekov sonymen qatar, komısıa músheleriniń sózderin alalamaı, túgeldeı aqparat quraldarynan kórsetýdi surady.