Úkimet janyndaǵy Jer komısıasynyń múshesi Muhtar Taıjan sol komısıanyń taǵy bir múshesi, jýrnalıs Artýr Platonovtan qazaqty jamandamaýdy talap etti, - dep habarlaıdy Qamshy.kz.

«Bizdiń jumysymyz jaqsy bastaldy. Osy aptada kóp jumys istedikq. Biraq, elimizde ne bolyp jatqanyn ózimiz kórip otyrmyz. 21 mamyrda Ánurandy aıtqan qaryndastarymyzdy mılısıa alyp ketti. Ol ne sonda? Apalarymyzdy, jetpisten asqan aqsaqaldarymyzdy alyp ketti. Ol qalaı? Biz osynda jumys istep jatyrmyz. Jaqsy úrdis bastaldy deýge bolady. Bılik pen halyq arasynda kelissóz júrýde. Biraq, biz bir qolmen ony qoldap, al, ekinshi qolmen mıtıńke shyqqan azamattarymyzdy ursaq, qalaı bolady? Men osy máseleni úshinshi otyrysta kóterip otyrmyn. Biz tıisti organdarǵa úndeý jasaýymyz qajet. Biz Kravchenko (Bas prokýrordyń orynbasary - red.) myrzamen osy aptada kezdestik. Kezdesý jaqsy ótti. Bir-birimizdi túsindik. Biraq keshe qarasam, Bas prokýratýradan óte qatal málimdeme shyqty. Sosyn men osynda otyrǵan Artýr Platonovqa aıtaıyn dep edim. Artýr, mıtıńke shyqqan azamattardy jamandaýyńdy toqtat! Olar – Qazaqstan azamattary. Olar eshqandaı buzaqylyq jasaǵan joq. Mıtıń úshin aqsha tólep jatyr deıdi, taǵysyn taǵy. Bálkim, bireý bizdiń búgingi prosesimizdi buzǵysy keletin shyǵar. Ultaralyq arazdyq, aqsha úshin, bireýdiń múddesi deıdi, bılikti jaýlap alǵysy keldi deıdi. Ondaıǵa boı bermeý kerek. Men ótinemin, tıisti organdarǵa úndeı jasaıyq», - dedi M.Taıjan komısıa otyrysynda sóılegen sózinde.