Májilis depýtattary keshe orta mektep baǵdarlamasyndaǵy oqýlyqtardy synǵa aldy. Depýtat Bekbolat Tileýhan oqýlyqtardyń mazmuny men sapasy, sondaı-aq, mektepterde basy artyq dúnıelerdiń kóptigi týraly shyndyqty jaıyp saldy, - dep habarlaıdy Qamshy.kz KTK arnasyna silteme jasap.
Bekbolat Tileýhan, Májilis depýtaty:
-Bizdiń úıde jaǵdaı qıyn. Óıtkeni meniń 3 balam mektepte oqıdy. Men mektepti medalmen bitirgenmin. Polıtehnıkalyq ınstıtýtty bitirgen adam retinde kitapty túsine almaımyn. Oqýlyq Qojanasyrdyń haty sıaqty. Biz kóz aldymyzda urpaqty múgedek qylyp jatyrmyz. Kez-kelgen oqýlyqty ashsańyz, qate órip júr. Oqýlyq eshqandaı syn kótermeıdi.
Májilismen balalaryn qyrýar qarjyǵa repetıtor jaldap oqytyp júr eken. Al mundaı artyq shyǵynǵa aqshasy joqtar ne isteıdi dep surady Bilim mınıstrinen. Sondyqtan Erlan Saǵadıevten elimizdegi oqýlyq daıyndaý júıesin túbegeıli ózgertýdi talap etti. Depýtattyń aıtýynsha, kitap basyp shyǵarý isine kásipkerlerdi múldem jolatpaý kerek. Óıtkeni, bıznesmender aqsha tabýdy ǵana kózdep, oqýlyqtyń sapasyna salǵyrt qaraıdy. Iaǵnı, mekteptegi kitaptardy ǵalymdar jazyp, onyń ishki mazmunyna Bilim jáne ǵylym mınıstrligi tikeleı jaýap bersin dedi depýtat. Sondaı-aq, Tileýhan muǵalimderdiń de deńgeıi óte tómen bolǵandyqtan mektepterde bilim berýge emes, túrli konsert, kıim tigip kıý, qyzdardyń shashyn sándeý syndy paıdasyz dúnıelermen ýaqyt ótkip jatqanyn aıtyp saldy.
