Men ózim oılaýshy edim osy eldi jep jat elge qashqandar bul eldi sorlatty dep. Kóp baılyqty tasyp, eldi jasytty dep. Áıtkenmen oı túbine oı tastasam munyń da bir Alladan qaıyry bar eken. Aqyry olar táýbaǵa kelmeıdi eken, elge qaıta kóshýge kónbeıdi eken, baıqasaq olar osy eldiń bul dúnıesinen qaraǵanda eń qıyn kezeń ǵarasattaǵy halqynyń halin oılaǵan «qaharmandar» eken.

Bajaılasaq bular áý basta osy elmen kelisken tárizdi. «Biz osy eldiń baılyǵyn jep, jat jerge qashamyz. Sol jerde saqtap kún erteń mahshar maıdanynda ózderiń halderiń múshkil bolyp, qaıda baratynyńdaryń bilmeı sasqan shaqta biz aldaryńnan shyǵyp, sol baılyqty senderge qaıtaramyz. Biraq, ol jaqta bul baılyqty tasý múmkin bolmaǵandyqtan sender bizdiń saýaptarymyzdy alasyńdar. Álbette bizde saýap joqtyǵynan sender kúnálaryńdy mıllardtap bizge aýdarasyńdar. Senderdi tozaqtan qutqarýdyń bir amaly osy» dep.

Iá, olar sodan beri halyqtyń baılyǵyn qazyp áketip, elinen, jerinen bezip, Eýropany kezbedeı kezip júr. Olar oılaıdy, biz osylaı elden jegen dúnıege qaryq bolyp bul ómirden ótemiz dep. Alaıda olar qazaq degen halyqtan bezip, Allaǵa qaraı qashyp bara jatqandaryn qaıdan bilsin! Iá, sender qasha turyńdar, halyq ta kúte tursyn. Qansha dáýletti bolsań da, neshe shalqyp júrseń de kún erteń Allanyń aldynda qara baqyrǵa deıin esep beresiń.

Sen úshin jasasyn jahannam!

Muhıtdın Isaulynyń Feısbýktegi paraqshasynan alyndy