7 aı ómiri qalǵanyn bilgen mıllıoner bar aqshasyn qaıyrymdylyqqa jumsaýdy uıǵardy, - dep habarlaıdy Qamshy.kz Bnews.kz -ke silteme jasap.

Aýqatty kásipker Álı Banat óziniń qaterli isik aýrýynyń eń aýyr satysynda ekenin bilgennen keıin jıǵan dúnıesin qaıyrymdylyqqa jumsaýǵa sheshim qabyldaǵan.

Mingeni Ferrari Spider, sonymen qosa, bildeı bir avtomobıl parkiniń qojaıyny, óziniń jekejaıy bar, ne ishem, ne jeımin, aqshany qaıda jetkizemin demeı, ýaıym-qaıǵysyz qam keship jatqan mıllıoner bas-aıaǵy 7 aı ómiri qalǵanyn estigende ómiri kúrt ózgerdi.

Kásipker Afrıkada 200-den asa jesirge úı men 600-ge jýyq jetim balaǵa arnap jataqhana salyp bermekshi.

Budan ózge Álı jergilikti jerdiń halqyna qyzmet etetin, jumyspen qamatamasyz etý úshin aýrýhana men bıznes ortalyǵyn turǵyzatynyn aıtty. «Alla meniń ómirimniń az qalǵanyn seziný úshin, jalǵan dúnıeni tastap jalǵyz máńgilik ómirge attanatynymdy seziný úshin bul aýrýdy maǵan syıǵa tartty. Maǵan jaqsylyq jasaýdan artyq esh nárse kómektespeıdi», – deıdi musylman jigit.