«Nur Otan» partıasynyń Májilistegi fraksıasynyń músheleri, Parlament Májilisiniń depýtattary  Baqytjan Ertaev, Evgenıı Kozlov ı Nýrtaı Sabılánov  jumys saparymen Shyǵys Qazaqstan oblysynda boldy, - dep habarlaıdy Qamshy.kz. 

Baqytjan Ertaev pen Evgenıı Kozlov eń aldymen «Nur Otan» partıasynyń oblystyq fılıalynda ádilet salasynyń jáne aýǵan soǵysy jaýyngerleri ókilderimen kezdesti.  

Basqosý barysynda Elbasy N.Á.Nazarbaevtyń «Qazaqstan jańa jahandyq naqty ahýalda: ósim, reformalar, damý» halyqa joldaýy, «100 naqty qadam» Ult jospary, «Máńgilik el» ulttyq ıdeıasy taqyryptarynda keńinen sóz qozǵalyp, júzege asý deńgeıine kóńil bólindi.   

Ári qaraı, Májilis depýtaty Evgenıı Kozlov saılaýshylardyń úılerin aralap, óskemendikteri alańdatyp otyrǵan máseleler jaıly, sonymen qatar partıanyń saılaýaldy baǵdarlamasynyń basty aspektileri jaıly sóz qozǵady.

Bahytjan Ertaev bolsa osy kúni Aıagóz aýdanyndaǵy jańadan salynyp jatqan shaǵyn et kombınatynyń jumysynmen tanysyp, ónim óńdeý men ótkizýde qandaı máseleler baryna nazar aýdardy.

«Nur Otan» partıasy fraksıasynyń múshesi Nurtaı Sabılánov bolsa shildeniń 5-7 kúnderi Aıagóz aýdanyna qarasty  Maılın, Aqshataý, Aqsháýli, Bıdaıyq, Myńbulaq, Órken jáne birneshe aýylda bolyp 400 den astam aýyl turǵyndarymen kezdesý ótkizdi. Mundaı kezdesý temirjolshylar qaýymymen de jalǵasty. Barlyq basqosýda Ult jospary «100 naqty qadam»  boıynsha atqarylýy tıis baǵyttardy áńgimelep berip, saılaýshylar tarapynan qoıylǵan suraqtarǵa jaýap berdi.   

Aıagóz turǵyndarymen kezdesý kezderinde kóterilgen suraqtardyń keıibirin ataı ketsek. Olar: áleýmettik-ekonomıkalyq máselelerdi sheshý barysynda kezdesetin túrli jaǵdaılar, jastardy jumyspen qamtý, ıgerilmeı jatqan jer telimderin qaıta qaraý, teri men bylǵary óńdeý, zeınetaqynyń tómengi deńgeıin kóterý, memleket qarjysyna salynyp jatqan qurylystardy qatań baqylaý, aýyz sý jáne ózgeler. Osy suraqtardyń ishinde kópshiliktiń kókeıkesti máselesi retinde joldardy kúrdeli jóndeýden ótkizý bolyp tabylǵandaı.