Japon ǵalymdary ushqanda ashylyp, al jerge qonǵanda qaıtadan jınap qoıýǵa bolatyn búktemeli jer serigin jasap shyǵardy, - dep habarlaıdy Qamshy.kz.

Bul jer seriginiń qurylymy kúrdeli bolǵanmen, jasalýy búkteý, jınaý qaǵıdalarynan týǵan qarapaıym ıdeıaǵa negizdelgen. Radıoteleskopty jer seriginiń parabolalyq antenasynyń dıametri 10 metr bolady. Antenanyń metal tory búkteledi, al jer serigi orbıtaǵa jetkende baryp ashylady. Iaǵnı, ǵaryshtyq tehnologıanyń ónimi bolyp tabylatyn bul jer serigi jerde eshqandaı oryn almaıdy. Ǵaryshtyq zertteýler ortalyǵy jasaǵan jer serigi bir ýys bolyp búktelgenmen, ǵaryshta ashylǵanda iri maqsattarda paıdalanylady.

Radıoteleskopty búktemeli jer serigin jasaýda ınjener ǵalymdar japon jıhazdarynyń ornalasý tártibin paıdalanǵan. Japon úıinde artyq zat bolmaıtyny barshaǵa belgili. Ulttyq stıldegi qonaqúılerdiń ózinde  kórpe-jastyqty fýsýma dep atalatyn jyljymaly aǵash esikti qabyrǵanyń ishine jınap qoıady. Bólmearalyq esikter de jyljymaly bolyp keledi. Qonaq kútkende, aralyq qabyrǵa esikti ashyp, bólmeni keńeıtedi. Dástúrli  japon úıinde  kózge kóriner jıhazdyń bolmaıtyny osyndaı jınaqylyq, tıanaqtylyq, uqyptylyq  prınsıpinen kóremiz. 1997 jyly jasalǵan parabola antenaly jer serigi jerde eshqandaı oryn almaıdy, tek orbıtaǵa jetkende ǵana qulashyn keńge jaıyp, tıisti mindetin atqarady.

Sharafat Jylqybaeva