Búgin Almatyda «Solux Express» kompanıasy Qapshaǵaı-Almaty-Qapshaǵaı baǵytyndaǵy temir jol jelisin iske qosty, - dep habarlaıdy Qamshy.kz.

Poıyzdyń júrý ýaqyty - 1,5 saǵat. Tańǵy poıyz 06:30-da Qapshaǵaı qalasynan Almatyǵa júredi. Almatyǵa kelgen soń, tańǵy saǵat 08:40-ta «Almaty-1» temir vokzalynan Qapshaǵaıǵa qaraı jol tartady. Al, keshki ýaqytta poıyz saǵat 17:55-te Almatyǵa qaraı júredi. «Almaty-1» vokzalyna kelgen soń, keshki saǵat 20:20-da keri qaraı jolǵa shyǵyp, Qapshaǵaıǵa oralady.        

Temir jol quramy tolyqqandy jabdyqtalǵan 5 jaıly vagonnan turady. 280 orynǵa shaqtalǵan jáne Wi-FI jelisine qoljetimdi.

Ázirge poıyz tek jazǵy mezgilde júretin bolady. Aldaǵy ýaqytta ony jyl on eki aı júrip turatyn poıyzǵa aınaldyrýdy josparlanǵan.

Aıta keteıik, poıyz bıleti - 600 teńge turady. Jeti jasqa deıingi balalarǵa jol júrý - tegin.