Oıyn alańyn aýksıonǵa salyp jibergen! Bir top almatylyq úıleriniń aldyndaǵy týlaqtaı jerdi satyp jibergen sheneýnikterdi jaǵadan aldy, - dep habarlaıdy Qamshy.kz KTK arnasyna silteme jasap.

Bala-shaǵa oınap júrgen jerdiń jekege ótkenin jurt monsha salyna bastaǵanda bir-aq bilgen. Endi, turǵyndar ne isterge bilmeı, qurylysty bastaýǵa kelgen kásipkermen de, onyń sózin sóılep júrgen ákimdermen de kúnde aıqaılasady.

-Bizdiń jer! Bizdiń jer! Bizge saýna kerek emes...

Saqal-shashy aǵarǵanda bul aqsaqal saýna, dúkenmen kúresýge májbúr. Óıtkeni, onyń nemereleri oınaıtyn alań, áne-mine bireýdiń menshigine aınalmaq. Qurylysqa jurttyń ózi ruqsatyn berip qoıǵan eken. Óıtkeni, sheneýnikterdiń «balabaqsha salamyz» degenine baladaı senip qalǵan.    

Qydyráli Dáýletbaev, Almaty qalasynyń turǵyny:

- KSK «Juldyzdan» qol jınatqan  balabaqsha bolady dep. Qujatyn qarasaq, aldap túsirgenbizdi.  

Aldanǵan aqsaqaldar balabaqshadan basqa alabóten qurylysqa úzildi-kesildi qarsy. Biraq, olardy tyńdaıtyn eshkim bolmaı tur. Óıtkeni, kópqabatty úıdiń aýlasy áldeqashan ınternet-aýksıonnan satylyp ketken. Aıqaı-shýdy estip kelgen aýdan ákiminiń orynbasary da jurtqa tushshymdy jaýap aıta almady.

Arhat Omarov, Áýezov aýdany ákiminiń orynbasary:

-Bul jer endi Úkimettiń qaýlysymen satylǵan ǵoı! Oǵan biz aralaspaımyz. Bizde qarsymyz negizi.

 «Aýksıonǵa qatysymyz joq» dep alǵashqyda ant-sý ishken ákimdiktegiler birazdan soń múldem ózgerip shyǵa keldi. Qaıta turǵyndardyń ózderin alańdy satyp alǵan kásipkerdi qoldaýǵa úgittedi.  

Arhat Omarov, Áýezov aýdany ákiminiń orynbasary:

-Turǵyndar endi túsiný kerek qoı! 80 kvadrat jer ǵana satylǵan.Memlekettik  aktisi bar. Ol da adal azamat! Ony da túsiný kerek. Ol jeke kásipker! Kómektesińder dep jatyr ǵoı.

Balalar alańynan bıznes ashpaq bolǵandar tipti satylǵan jerdiń kólemin de aıtyp berdi. Sóıtse, ınternet saýdaǵa aýladaǵy voleıbol, basketbol alańdaryna deıin ótip ketipti. Sheneýnikter bul isinen esh ábestik kórip turǵan joq. Kerisinshe, turǵyndarǵa tıimdi deıdi. Tabaldyǵynan attam jerde tazalanyp, ári dúken aralaıdy. Tek endi olarǵa eshkimniń sengisi joq.

Ásıa Anarbaeva, Almaty qalasynyń turǵyny:

- 1-qabatty dúken dep  magazın salasyzdar da artynsha ol jospardy ózgertip jiberesizder.  Bul jerge 9-qabatty  úı salýǵa bolady! Barsyn, qalanyń shet jaǵyna salsyn!Jer kóp!