Almaty oblysy sharýalarynyń aýyl sharýashylyq mınıstrligine ókpeli. Memlekettik baǵdarlama arqyly mıllıondap nesıe alypǵan birneshe sharýa qojalyǵy bereshekterin óteı almaı qalǵan, - dep habarlaıdy Qamshy.kz 31 arnaǵa silteme jasap.
Búginde tek jylqysynyń ózi myńnan asqan Bolat Seıirbaev qazir shyǵynǵa shash etekten batqanyn aıtady. Sózinshe byltyr mal basyn ósirý úshin memlekettik «Qulan» baǵdarlamasy boıynsha 56 mıllıon teńge nesıeni jylyna 14 paıyzben bank arqyly rásimdegen. Jáne memlekettik baǵdarlamaǵa sáıkes atalǵan qarjynyń 7 paıyzyn aýylsharaýyshylyq mınıstrligi ótep berýi tıis bolǵan. Biraq bir jyldan astam ýaqyt ótse de mınıstrlik tóleýi tıis qarjyny qarjylandýryǵa asyqpaıtyn kórinedi.
- Ony ýaqytynda tólemese, oǵan banki pená salyp jatyr. Bastaldy shtrafy. Aýyl shaýrýashylyq basqarmasynyń bastyǵy Bekishevke neshe ret aıttym. Aryz da jazyp berdik. Bular aıtady, mınısterstvo deıdi. Mınıstrlikte Departament bastyǵy Azamat Hamıevpen sóılestik, buny ıýstısıa sheshedi. Zań áli durys bolmaı jatyr deıdi. Bul endi aýyl sharýashylyq mınıstrliginiń kemshiligi emegende kimniń kemshiligi?, - deıdi Sharýa qojalyǵynyń tóraǵasy Bolat Seıirbekov.
Sýbsıdıa alyp, shyǵynǵa shash etekten batyp jatqandardyń sany edáýir kóp, - deıdi oblystyq aýylsharýshylyq basqarmasyndaǵylar. Sebebi, 2014 jyldan beri Almaty oblysy boıynsha 173 sharýashylyq ıesi sýbsıdıa alǵandyǵyn eskersek, basym bóligi Bolat Seıirbaev sıaqty qıyndyqtarǵa tap bolǵan. Al aýyl sharýashylyǵy mınıstrligine ne sebepti sharýalardyń paıyzdyq ústemaqysy der kezinde tólenbeı jatyr degen suraǵymyzǵa jazbasha túrde jaýap aldyq.
2016 jyldan bastap kredıtter, sondaı-aq tehnologıalyq jabdyqtyń jáne aýyl sharýashylyǵy tehnıkasynyń lızıńi boıynsha syıaqy mólsherlemelerin sýbsıdıalaý baǵdarlamasyn iske asyrý fýnksıasy jergilikti atqarýshy organdardyń quzyretine ótti.
Demek, atalǵan ózgeriske sáıkes sharýalardyń áli qansha ýaqyt paıyzdyq ústemaqysyn kútetini belgisiz. Belgilisi, bank aldyndaǵy bereshegi kún sanap óse bermek. Onsyz da memlekettik baǵdarlamadan áýpirimdep júrip sýbsıdıa alatyn sharýalar úshin atalǵan jaǵdaı jyǵylǵanǵa judyryq bolyp tur.
- Endi jańadan Asqar Myrzahmetov myrza keldi. Endi osy kisi bas aıaǵyn jınamasa, sharýalardyń aýyl sharýashylyq mınıstrligine ókpesi bar qara qazandaı, - dep keıidi sharýa.
