Qazaqstannyń Premer-Mınıstri Kárim Másimov Memleket basshynyń tapsyrmasymen óńirlerge jumys saparyn jalǵastyrýda, - dep habarlaıdy Qamshy.kz .

Úkimet basshysynyń baspasóz qyzmeti K.Másimov óńirdiń damýyn jeke baǵalaý, sondaı-aq ózekti máselelerdi talqylaý úshin Qostanaı oblysyna kelgenin habarlady.

Atap aıtqanda, Premer-Mınıstr turǵyn úı qurylystarymen, avtokólik klasteriniń damýymen tanysyp, aýyl sharýashylyǵy men metalýrgıa kásiporyndaryna barady jáne halyqqa memlekettik qyzmet kórsetýdiń sapasyn jaqsartý máseleleri boıynsha jınalys ótkizedi.

Sonymen birge, Kárim Másimov aýyl sharýashylyq kásiporyn jetekshileriniń qatysýymen mal sharýashylyǵyn damytý týraly arnaıy jınalys ótkizedi. Otandyq ónerkásipterdiń qýattylyǵyn kóbeıtý jáne ónimniń sapasyn jaqsartý máselelerine basty nazar aýdarylady.