Shymkentte 5 jastaǵy qyzdy zorlady degen kúdikpen 34 jastaǵy er adam ustaldy, - dep habarlaıdy Qamshy.kz oblystyq İİD baspasóz qyzmetine silteme jasap.
2016 jyldyń 11 shildesinde keshki ýaqytta jergilikti turǵyn polısıaǵa shaǵym túsirgen. Qyzdyń anasynyń aıtýynsha, 30-35 jas shamasyndaǵy belgisiz er adam onyń 2011 jyly týǵan qyzyn zorlaýǵa oqtalǵanyn aıtady. Oqıǵa ornyna kelgen polıseıler Ordabasy aýdanynyń 1982 jyly týǵan turǵynyn ustady.
Aıta keteıik, bul is QR Qylmystyq kodeksiniń 124-baby boıynsha ("Jas balalardy azǵyndyq jolǵa túsirý") tirkeldi. Al sot-medısınalyq saraptamanyń qorytyndysy 5 jasar qyzdyń denesinen eshqandaı dene jaraqattary anyqtalmaǵanyn kórsetti. Qazirgi kezde polıseıler oqıǵanyń mán-jaıyn anyqtap jatyr.
