2005 jyly Reseıde esirtki kontrabandasy jáne zańsyz esirtki aınalymy úshin 15 jylǵa qatań rejımdegi kolonıaǵa qamaýǵa talynǵan qazaqstandyq Symbat Oǵanovtyń kinásizdigi dáleldendi, - dep habarlaıdy Qamshy.kz rapsinews.com saıtyna silteme jasap.
Sottalýshynyń korǵaýshysy Raýshan Qamalova tergeý barysynda qazaq azamatynyń keı taǵylǵan aıyptarda kinásizdigi anyqtalyp, Tatarstannyń Joǵarǵy soty bul jazany eki jylǵa jeńildetkenin aıtýda.
"Respýblıkanyń İİD jedel-tergeý toby keltirgen dálelder jalǵan ekendigi anyqtaldy. Osylaısha 2015 jyldyń jeltoqsanynda Naberejnochelnınskıı qalalyq soty Oǵanovtyń tek esirtkini "sybaılasyna" bergenin anyqtady. Jáne sol úshin segiz jylǵa bas bostandyǵynan aıyrý jazasyn kesti", - deıdi Qamalova.
Kazan soty Reseıdiń Qarjy mınıstrligin qazaq azamaty Oǵanovtyǵ 2,5 jyl boıy jasamaǵan qylmysy úshin túrmede otyrǵandyǵyna 500 myń rúbl (shamamen $8000) tóleýge mindettedi.
