Qaraǵandyda № 1 psıhıkalyq-júıke medısınalyq, áleýmettik mekemesiniń janyndaǵy otyrǵyzylǵan aǵashtar arasynan zeınetkerdiń máıiti tabyldy, - dep habarlaıdy Qamshy.kz "Novyı vestnık" basylymyna silteme jasap.
Sot-medısınalyq saraptama qorytyndysy boıynsha, ol kóptegen jaraqattan qaıtys bolǵan jáne óler aldynda zorlanǵan.
-Bul istiń deregi eki bap boıynsha tirkeldi. Birinshi 99 baptyń 1 tarmaǵy - adam óltirý, ekinshi 120 baptyń 1 tarmaǵy - zorlaý bolyp tabylady, - deıdi oblystyq İİD baspasóz qyzmetiniń ókili Batyrhan Smaılov.
Polıseıler dıspanserdiń dýalynda qońyr tústi daq tapqan. Osyǵan baılanysty organ qyzmetkerleri medısınalyq mekemeni jáne oǵan tıesili aýmaqty tintýdi jáne oqıǵa bolǵan jerde telefon qońyraýlaryn tekserýdi josparlap otyr.
