12 shilde kúni áleýmettik jelide taralǵan másele boıynsha QR Mádenıet jáne sport mınıstri Arystanbek Muhamedıulynyń quqyǵy men múddesin advokat Eskendir Álimbaev sot arqyly qorǵaıtyn bolady, - dep habarlaıdy Qamshy.kz.
Bul týraly advokat Eskendir Álimbaevtyń ózi málimdeme jasady.
«Maǵan, Almaty qalasynyń advokattar alqasynyń advokaty Eskendir Álimbaevqa, zańda belgilengen tártippen, Muhamedı Arystanbekulynyń quqyǵy men múddesin qorǵaý tapsyryldy. Advokattyq ókilettikter aıasynda, BAQ ókilderine mynadaı málimdeme taratqym keledi.
Internet jelilerinde 12 shilde 2016 jyly birqatar mazmundaǵy beınerolıkten turatyn materıal paıda boldy (nemese osy rolıkke siltemeler de ınternette júr). Onda ózin rejıser Talǵat Jánibekov retinde tanystarǵan azamat, Mádenıet jáne sport mınıstrligine jáne sol vedomstvo basshysy Arystanbek Muhamedıulyna qatysty rastalmaǵan málimetter taratqan. Budan bólek, rolıkte Muhamedıulynyń zańsyz áreketin «qorǵashtaǵan» syńaı tanytqan Qazaqstan Respýblıkasy «bılikteri» qyzmetine jaǵymsyz baǵa berilip otyr. Atalǵan materıaldaǵy beınerolıkke qysqasha mazmundama berilgen. Onda T.Jánibekov qazirgi kúni «Fenıks» atty kórkem fantasıkalyq fılm túsirip jatqanyn, alaıda onyń óndirisi A.Muhamedıulynyń kinásinen zańsyz «toqtatylǵanyn» aıtady. Budan bólek, azamat T.Jánibekov Qazaqstan Respýblıkasynyń sot bıliginiń qyzmetine de kúmán keltirip, sonyń ishinde sottar «...qarapaıym bir shýyldaq balaǵanǵa uqsaıdy. Men munyń bári qalaı jasalatynyn túsinemin, onyń bári qońyraýlar arqyly júzege asady» dep atap ótedi. Budan bólek, T.Jánibekov «biz birqatar qujattardy ashyq kórsetemiz, bunda urlyq jasalyp jatyr, sonyń ishinde bul urlyqqa Serik Jubandyqov, Arystanbek Muhamedıulynyń qatysy bar...» dep málimdeıdi. Budan bólek, rolıkte basqa da senimsiz aqparattar taratylǵan. Osyǵan baılanysty T.Jánibekov taratqan málimetter, onyń Qazaqstan Respýblıkasynyń memlekettik bılik organdaryna jáne Mádenıet jáne sport mınıstri Arystanbek Muhamedıulynyń qyzmetine bergen baǵasy shyndyqqa janaspaıtynyn rastaımyz. A.Muhamedıulynyń ózi zańmen belgilengen tártip aıasynda óziniń buzylǵan quqyqtaryn sot arqyly qalpyna keltirýge nıetti», - dep málimdedi advokat.
Onyń aıtýynsha, jaqyn aralyqta mınıstr A.Muhamedıuly zańda belgilengen tártippen óziniń ar- namysyn, iskerlik bedeli men abyroıyn qorǵaýǵa, sonymen qatar, senimsiz jalǵan aqparatty taratqan tulǵany jaýapqa tartýǵa baǵyttalǵan sharalardy qabyldaıdy.
Esterińizge sala keteıik, buǵan deıin rejıser Talǵat Jánibekov Muhamedıuly bopsalaýmen aınalysty dep málimdep, vıdeo jarıalaǵan bolatyn.
Sondaı-aq, QR Mádenıet jáne sport mınıstrliginiń Mádenıet isteri jónindegi departamentiniń dırektory Aqtoty Raıymqulova "Fenıks" fılminiń rejıseri Talǵat Jánibekov pen mınıstr Arystanbek Muhamedıulynyń arasynda shyqqan daýǵa qatysty pikir bildirgen edi.
