Ulttyq biryńǵaı test naýqany kezinde zań buzǵan alǵashqy azamat ustaldy. Ońtústik Qazaqstan oblysynda orta mekteptiń oqý isi jónindegi meńgerýshisi 450 myń teńgeni para retinde alyp jatqanda tutqyndaldy. Oqıǵa Ordabasy aýdanynyń Qyzyljar aýylynda oryn alǵan. Mektep dırektorynyń orynbasary Ádihan Qaıranbek 450 myń teńgege synaq qorytyndysyn ózgertýge ýáde etipti. Ózin qarjy polısıasy qyzmetkerleri tutqyndaýǵa kelgenin sezgen bilim uıasynyń qyzmetkeri mektep mańyndaǵy úılerdiń birine qashyp, kirip ketken. Alaıda, alaıaq ustazǵa bóten úıdiń qabyrǵasy qorǵan bola almady. Qazir, paramen ustalǵan azamat eshqaıda ketpeý týraly qolhatpen bosatyldy.

Ánel Matıeva, OQO boıynsha EQSJQKD baspasóz hatshysy:

- Tekserý barysynda Qaıranbektiń qaltasynan 450 myń teńgeden basqa, qujattary alyndy. Sonymen qatar, taǵy da birneshe somany quraıtyn aqsha alyndy. Ol aqshany óziniń aqshasy nemese basqa para bergen adamnyń aqshasy ekeni qazirgi tańda anyqtalý barysynda.

Tekserý barysynda Qaıranbektiń qaltasynan 450 myń teńgeden basqa, qujattary alyndy. Sonymen qatar, taǵy da birneshe somany quraıtyn aqsha alyndy. Ol aqshany óziniń aqshasy nemese basqa para bergen adamnyń aqshasy ekeni qazirgi tańda anyqtalý barysynda.

Bekjigit Máýlenov

Ktk telearnasy, taqyryp ózgertilip alyndy.