Qazaqstannyń tanymal balýan qyzy Otgonseseg Galbadrah týraly ne bilesiz? Onyń Mońǵolıanyń dzúdo quramasyndaǵy eń tańdaýly sportshylardyń biri bolǵanyn, 5 jyldan beri tek bir ǵana salmaqta (48 keli) óner kórsetetinin, Álem kýboginiń kúmis jáne qola medaliniń ıegeri ekenin, «Úlken dýlyǵanyń» eki retki kúmis medal júldegeri bolǵanyn, Eýropa kýboginiń kúmis jáne qola medalin jeńip alǵanyn, sonymen qatar kóptegen irili-usaqty saıystardyń qatysýshysy ekenin bilesiz be? Vaq.kz saıty sportshy qyzǵa qatysty basqa da qyzyqty málimetterdi usynǵan, - dep habarlaıdy Qamshy.kz.
Ol 1992 jyly qańtardyń 25-inde Mońǵolıa astanasy Ulan-Batyr qalasynda týǵan. Otbasynyń tuńǵyshy. Ákesi, anasy jáne inisi bar. İnisi de ápkesiniń izin qýyp dzúdo kúresimen aınalysady. Tipti, Mońǵolıanyń mańdaı aldy sportshylarynyń biri deýge bolady. Otgonsesegti inisimen birge bir jattyqtyrýshy daıyndaıdy.
2008 jyldan bastap dzúdomen aınalysa bastaǵan qyz, alǵashqyda bul sportty qyzyǵýshylyq úshin ǵana bastaǵan. Kóp uzamaı-aq jigerli qyzdyń ómirlik ustanymyna aınalǵan sporttyń bul túri onyń aldaǵy jetistikterine jol ashty. Bul týraly bir suhbatynda Otgonsesegdiń ózi de «Ómirimdi dzúdosyz elestete almaımyn, biz bólinbes bir tutas álemge aınaldyq. Dzúdo – meniń ómirimniń máni» degeni bar.
Kórkem gımnastıkany tamashalaýǵa qushtar qyzdyń ómiri de kórkem.
Ol Qazaqstan azamattyǵyn alýyna baılanysty álemdik reıtıńtegi barlyq jetistikteri kúshin joıǵan bolatyn. Ol buǵan deıin reıtıńte úshinshi orynda turǵan. Barlyǵyn qaıta basynan bastaǵan arý búginde óziniń jerlesi mońǵolıalyq Ýranseseg Mónhbattan keıingi ekinshi orynǵa turaqtady.
Ótken jyly ǵana jattyqtyrýshysy D.Enhbaatarmen birge elimizge qonys aýdarǵan sportshy bir jyldyń ishinde óte joǵary dárejedegi nátıje kórsete bildi.
Álem kýbogi:
qola - (2011)
kúmis - (2012)
«Úlken dýlyǵa»
Qola – (2016)
kúmis – eki ret (2013),
jeńimpaz – (2016)
Eýropa kýbogi:
Kúmis - (2013),
Dzúdo Gran-prıi:
Qola – segiz ret (2012, 2014, 2015, 2016)
Kúmis – úsh ret (2013, 2016)
Jeńimpaz – tórt ret (2014, 2015, 2016).
Azıa chempıony: (2016)
Olımpıadanyń qola medal ıegeri – (2016) Rıo olımpıadasy.
Vaq.kz saıtynan alyndy.
