Sabaqtan qashqan oqýshylardyń ata-anasy aıyppul tóleıdi. Bir rettik aıyppul 7 aılyq eseptik kórsetkish kóleminde. Bul 15 myń teńgege jýyq qarjy. Al sabaqtan qashý faktileri qaıtalansa, ata-analarǵa 42 myń teńgeden astam aqsha tóleýge týra keledi, - dep habarlaıdy Qamshy.kz Astana arnasyna silteme jasap.
Alaıda keıbir ata-analar bul aıyppuldardan da qorqatyn emes. Amaly taýsylǵan óskemendik ustazdar polıseılermen birge «Balalardy mektepke qaıtaraıyq» atty aksıa uıymdastyryp, úı-úıdi aralady. Sabaqqa barmaıtyn balalardyń ata-analary negizinen ishimdikke salynǵandar. Máselen, Arına Tarasova bıyl 1 synypqa barýy kerek bolǵan. Biraq 1 qyrkúıekten beri mektep tabaldyryǵyn attamapty. Qyzynyń qaıda ekeninen maskúnem anasy da beıhabar.
-127-shi bap boıynsha ákimshilik aıyppul belgilenedi. 60 saǵat boıy sabaqty bosatsa, ákimshilik aıyppul 7 AEK. Jaǵdaı qaıtalansa, ekinshi aıyppul 20 AEK kóleminde bolady. Qazir materıal jınap jatyrmyz. Kórshilerinen suraımyz. Eger negiz bolsa, ata-ana quqyǵynan aıyramyz, - deıdi Óskemen qalalyq İİB kámeletke tolmaǵandar isi ınspeksıasynyń ınspektory Ernur Rahımov.
