AQSH pen Fılıppın prezıdenti Laosta Ońtústik-SHyǵys Azıa elderiniń qaýymdastyǵynyń samıti aıasynda beıresmı kezdesý ótkizdi, - dep habarlaıdy Qamshy.kz 24.kz - ke silteme jasap.

Osy basqosýdan keıin Amerıka bıligi 2 basshynyń arasyndaǵy qaqtyǵysqa toqtaıdy dep málimdegen.

Esterińizge sala ketsek, Rodrıgo Dýterte birneshe kún buryn Fılıppındegi sotsyz júzege asqan atý jazalaryn talqylaýdy usynǵan Aq úı basshysyna til tıgizip, aqyr sońynda Obama erteńine josparlanǵan kezdesýdi keıinge shegergen edi.

Budan basqa, Dýterteniń dóreki málimdemesinen keıin Fılıppın naryǵynda problemalar bastalǵan. Sheteldik ınvestorlar bir kúnniń ishinde elden 58 mıllıon dollardy alyp ketti.

Perfekto Iasaı, Fılıppın syrtqy ister mınıstri:

- Ia, kezdesýdiń bolǵany ras. Biraq bas qosýdyń qansha ýaqytqa sozylǵanyn tap basyp, aıta almaımyn. Biraq kezdesý jaqsy deńgeıde ótti. Osynyń arqasynda eki eldiń arasyndaǵy qarym-qatynas jaqsaryp, bekı túsedi dep oılaımyn.