Álemdik naryqty jaýlaǵan Apple alpaýyty jańa ónimderi – iPhone 7 men 7 Plus smartfondarynyń tanystyrylymyn ótkizdi.
Korpýsy shyny men alúmınıden jasalǵan jaıa «aıfondarda» eki stereodınamıka men IP67 standarty boıynsha sý ótkizbeıtin qorǵanysh bolady. «Aıfonnyń» túr-túsin túrli-tústi etip shyǵaryp jatqan kompanıa bul joly, sonymen qatar, symsyz qulaqqaptaryn da tanystyrdy.
Hosh delik.
Bul ataqty «aıfondardy» alýǵa nemese eski «aıfondaryn» jańasyna aýystyrýǵa qazaqstandyqtardyń qaltasy kótere me? Jalpy qazaqstandyqtar bul qymbat ónimge qalaı qol jetkizip júr. Búgin osyǵan toqtalsaq.
Tanystyrylymy keshe ǵana ótken iPhone 7 elimizge áli kele qoıǵan joq. Alaıda dál osy ónimniń 4, 5, 5 s, 6, 6 Plus, 6s sıaqty bar túri keńinen tarady.
Bizge sońǵy kelgen «Aıfon 6» ónimderiniń baǵasy osy ýaqytqa deıin óz qunyn saqtap keledi. Máselen, «Kaspıı magazınde» bul taýardyń quny (onyń ishinde Space Gray,Gold, Rose Gold, Silver sıaqty túrleri men smartfonnyń jadynyń kólemine baılanysty) 200 myń teńgeden bastap, 335 myń teńgege deıin barady.
Al «Tehnodom», «Sýlpak» sıaqty saýda oryndarynda da budan tómendeı qoımaıdy. Osy shamada: 200-330 myń teńge aralyǵynda.
Mundaı sommany qaltańyz kótermese, saýda marketıńi damyǵan. Keńesshiler alýshyǵa kredıtke alý jolyn usyna bastaıdy.
Sonymen, statısıkalyq málimetterge súıensek, ótken jylǵy esep boıynsha, elimizde ortasha jalaqy 118 638 myń teńgege teń. Saalalyq qurylymda eń úlken jalaqy ken óndirý ónerkásibi men karerlerdi qazýda - 266,1 myń teńge (ortasha respýblıkalyq deńgeıden 2,2 esege asty), kásibı, ǵylymı jáne tehnıkalyq qyzmette - 231,2 myń teńge (1,9 esege asty), qarjy jáne saqtandyrý qyzmetinde 208,9 myń teńge (1,8 esege asty) belgilengen.
Al, eń tómengi jalaqy aýyl, orman jáne balyq sharýashylyǵy qyzmetkerlerinde belgilendi - 58,0 myń teńge, bul el boıynsha orta kórsetkishten 51,1 paıyzǵa tómen delingen.
Eldiń báriniń ken oryndarynda, tehnıkalyq qyzmet pen qarjy jáne saqtandyrý salalarynda jumys istemeıtinin eskersek, jalpylama qarapaıym jurttyń ortasha jalaqsy 80-100 myń teńgeniń kóleminde ekeni belgili.
Baıqasańyz, «aıfon» smartfonyn qoldanýshylardyń deni – jastar. Onyń ishinde oqýshylar da, stýdentter de, jas mamandar da bar.
Sonymen oqýshylar men stýdentter bul qymbat smartfonǵa qalaı qol jetkizedi?
Jaýap belgili.
Oqýshylarǵa ata-analary alyp beredi. Bir ǵana sebep: balam qatarynan qalmasyn. Bir ǵana jol: kredıt.
Stýdentter ózderi alady. Árıne, kredıtke. Bir ǵana jubanyshy: shákirtaqydan tóleý.
Marjan, stýdent:
-Negizi aıfondy bir ustasań, keıin basqa telefon ustaǵyń kelmeı qalady. Bul smartfonnyń múmkindigi kóp. Mysaly men foto-fıdeo túsirýmen áýestenem. Kásibı fotoaparattar men úshin artyq. Qaltamda júrgen aıfon arqyly qalaǵan fotomdy, qalaǵan vıdeomdy túsiremin. Sondyqtan shyǵar, maǵan yńǵaıly. Basynan bastap alyp kelem. Mende 5 te, 6 da boldy. Qazir 6 s ustap júrmin. Árıne, barlyǵyn kredıtke aldym. Jańasyna aýystyratyn kezde, bastapqy qunynan sál-aq tómen baǵaǵa satyp jiberemin.
Ersultan, oqýshy:
-Men eki jyldan beri ustap júrmin osy telefonymdy. Synyptastarym jappaı alǵanda men de ákeme ótinish aıtqam. Ol týǵan kúnime syılady.
Jansaıa, (Almaty)
-Ótken jyly sińilim oqýǵa túskende sińilime alyp berdim. Túr-túsin tańdap júrsem, satýshylar «saqtandyrý qosasyz ba, qansha jylǵa alasyz» dep rásimdeýge daıyndalyp júr. Men kredıtke emes, qolma-qol satyp alatynymdy aıtqanda, «aıfondy kredıtsiz, 200 myń teńgege satyp alýshylar sırek keledi bizge» dep kúldi satýshylar.
Sonymen, qomaqty qarjylaı, turmystyq tehnıkaǵa arnalǵan taýarlar jáne basqa jolmen kredıt alyp, az aılyǵynyń jartysyn soǵan tólep júrgen azamattardan ózge, iPhone úshin kredıtke baılanǵan qazaqstandyqtardyń sanyn boljaý múmkin emes.
Indıra Qýat
