Qazaqstannyń eńbek sińirgen qaıratkeri, Halyqaralyq «Alash» ádebı syılyǵynyń jáne Sheshenstan Memlekettik syılyǵynyń laýreaty, Sheshen Respýblıkasynyń eń joǵary Memlekettik «Koman sıı» («Chestnasıı») ordeniniń, Reseıdiń «Sergeı Esenın» altyn medaliniń ıegeri, aqyn ári jazýshy Rafael Nıazbektiń «Taýqymet» kitabynyń tusaýkeser rásimi ótedi, -dep habarlaıdy Qamshy.kz.

Kitap avtory birneshe laýazymdy qyzmetterdi atqaryp, eren eńbeginiń arqasynda Sosıalısik Eńbek Eri atanǵan Asanbaı Asqarovtyń azamattyq bolmysy men asqaq rýhyn, ójet minezin sýretteýdi maqsat tutqan. Taǵdyr-talaıy talqyǵa túsken Asanbaı Asqarov qazaq respýblıkasyna ǵana emes, búkil Odaq kólemindegi iri tulǵalardyń biri ári biregeıi edi. Osyndaı halqy súıgen azamat ómiriniń sońǵy kezeńinde jalaǵa ushyrap, temirtorǵa qamalyp, teksizderdiń tepkisiniń astynda kún keship, adam tózgisiz azap shekken-di. Sondyqtan avtor týyndysynyń ataýyn «Taýqymet» dep ataǵan. Taý tulǵaly asyl azamattyń beınesi aqyn ári jazýshy R.Nıazbektiń «Taýqymet» romanynda, «Tamuq otyna janbaǵan» poemasynda jáne basqa da óleńderinde keńinen oryn alǵan.

Kitap tusaýkeseri 15 qyrkúıek kúni saǵat 11.00-de Almaty qalasyndaǵy M.Áýezov ádebı-memorıaldyq mýzeı-úıiniń májilis zalynda ótedi (Tólebaev k-si, 185 úı).