Aqtóbede maýsym aıynda bolǵan lańskettik oqıǵaǵa qatysty tergeý aıaqtalyp, is sotqa tapsyryldy. Endi zań aldynda 29 adam jaýap beretin bolady. Aralarynda soıqan salǵan 9 sodyr bar, - dep habarlaıdy Qamshy.kz KTK arnasyna silteme jasap.
Prokýrorlar atyshýly oqıǵaǵa qatysty eki júzden astam sapartama júrgizgen. Qazirgi kúni taǵylǵan aıyptardy sot aldynda dáleldep shyǵýǵa aıǵaǵymyz ázir dep otyr. Bir apta boıy qashyp júrgen lańkesterdi jaldamaly páterde jasyrǵan eki jigit te jazasyz qalmaıdy dep sendirdi olar. Sondaı-aq, Sırıadaǵy ımamdarynyń ýaǵyzyna ermeı, shabýylǵa shyǵýdan bas tartqan 18 aqtóbelik te qazir qamaýda otyr. Olarǵa qylmys týraly aldyn ala habarlamaǵany úshin aıyp taǵyldy. Aıta ketelik, sodyrlar tórt aı buryn qarý-jaraq dúkeni men áskerı bólimge shabýyl jasap, 7 adam oqqa ushqan bolatyn. 30 adam jaraqat aldy. Al jat aǵymnyń jeteginde ketken 18 sodyrdyń kózi joıyldy. Lańkesterge qatysty alǵashqy sot otyrysynyń qaı kúni bastalatyny ázir belgilengen joq.
