Ál-Farabı atyndaǵy Qazaq ulttyq ýnıversıtetinde Halyqaralyq Abaı klýbynyń jáne «AMANAT» ádebı jornalynyń 15 jyldyǵyna arnalǵan saltanatty shara ótti, - dep habarlaıdy Qamshy.kz.
Jazýshylardyń shyǵarmashylyq keshi Abaı ádebı klýbynyń quryltaıshysy Rollan Seısenbaevtyń 70 jyldyq mereıtoıymen tuspa-tus kelip otyr. Sharaǵa otandyq jáne sheteldik aqyn-jazýshylar, belgili qoǵam qaıratkerleri, ǵalymdar, ustazdar men stýdentter qatysty.
QazUÝ rektory, akademık Ǵalym Mutanov quttyqtaý sózinde atap ótkenindeı, halyqaralyq Abaı klýby men «Amanat» ádebı jýrnaly Qazaqstannyń álemdik brendy bolyp tabylady.
«Búginde qazaq jazýshysy Rollan Seısenbaevtyń klýby zamanaýı avtorlardyń, álem ádebıeti klasıkteriniń jáne tańdamaly basylymdardyń biregeı 200 tomyn shyǵaryp, kópshilik oqyrmandarǵa usynýda.
Bizdiń qoǵam úshin bul óskeleń urpaq tárbıeleýdegi úzdik úlgi bolyp tabylady. Qazaqstan Respýblıkasynyń Prezıdenti Nursultan Nazarbaev aıtqandaı, «bizdiń búginimiz ben bolashaǵymyzǵa qundy dúnıe bere alatyn qazynaly kitaptar qoryn jasaý – joǵary talapty qajet etetin eń jaýapty mindet», – dep atap ótti Ǵalym Mutanov.
Shara aıasynda «Meniń júz kitabym» serıasy basylymynyń tańdaýly jobasynyń tusaýkeseri ótti. Sondaı-aq, Ál-Farabı kitaphanasynda uıymdastyrylǵan kórmede dúnıejúziniń belgili klasıkteri men zamanaýı aqyn-jazýshylardyń kitaptary qoıyldy.
Abaı jáne Shákárim sıaqty qazaq aqyndary men oıshyldarynyń urpaǵy Rollan Seısenbaev álemdik ádebıet pen qazaq klasıkteriniń rýhanı murasyn, uly aqyn-jazýshylardyń shyǵarmalaryn keńinen taratýdy maqsat tutady. Sózdiń qas sheberi bolyp tanylǵan tulǵa Londonda Abaı úıi men Eýropada Qazaqstannyń kórkemóner ortalyǵyn ashty.
Sondaı-aq Rollan Shakenuly ál-Farabı atyndaǵy QazUÝ janyndaǵy Álem halyqtary ádebıeti ınstıtýtynyń jáne halyqaralyq Abaı klýbynyń dırektory bolyp tabylady. Instıtýttyń baǵyt-baǵdary – eldiń mádenı ómirin damytý, qazaq tilin órkendetý jáne sheteldik baspalarmen qarym-qatynasty nyǵaıtý. Munda stýdentter men qonaqtar úshin belgili qazaqstandyq jáne sheteldik aqyn-jazýshylarmen bolatyn ádebı keshter men kezdesýler udaıy ótkiziledi.
Rollan Seısenbaev úlken ujymnyń shetelderde qazaq eli men ýnıversıtet mártebesin kóteretin iri ókili ekendigi QazUÝ úshin úlken maqtanysh.
Rollan Seısenbaev – Dúnıejúzilik óner jáne mádenıet akademıasynyń (San-Fransısko) akademıgi, Motovýndyq halyqaralyq baspagerler tobynyń múshesi, kóptegen respýblıkalyq, halyqaralyq marapattar men álemdik mádenıetke qosqan úlesi úshin berilgen ádebı syılyqtardyń ıegeri.
«Belsendi azamattyq kózqarasy, sanqyrly talanty, daryndylyq qasıetteri ony zamanaýı kórnekti jazýshylar qataryna qosty. Rollan Shakenulynyń shyǵarmalary kóptegen álem tilderine aýdarylyp, Qazaqstan, TMD, Eýropa, AQSH elderiniń mektep baǵdarlamalaryna engizilgen», – dep atap ótti QazUÝ-dyń qazaq ádebıeti men ádebıet teorıasy kafedrasynyń meńgerýshisi Alýa Temirbolat.
Rollan Seısenbaevtyń aıryqsha jobalarynyń biri – halyqaralyq «Amanat» jornaly. Qazaqstan oqyrmandary izdep júrip alatyn kórkemdik jáne qoǵamdyq-saıası basylym betterinen oqyrmandar belgili qoǵam qaıratkerleri men memleket basshylarynyń oı-tolǵaýlary, álemdegi belgili jazýshylardyń shyǵarmashylyǵy týraly aqparat alyp otyrady.
Máskeý jazýshylar odaǵynyń hatshysy Evgenıı Popov: «Men Rollanmen 40 jyldan beri tanyspyn. Ol maǵan qazaq mádenıeti men poezıa áleminiń esigin ashyp, men bilmeıtin jańa keńistikterge jeteledi. Rollan ashqan Halyqaralyq Abaı klýby men ádebı «Amanat» jornaly – kórkem sózben jazylǵan keremet dúnıeler. Mundaı biregeı basylymdar TMD elderinde ǵana emes, búkil dúnıejúzinde de joq», – dep atap ótti.
Al Ýkraınanyń Halyqaralyq ádebıet jáne óner akademıasynyń prezıdenti Sergeı Dzúba 70 jasqa tolyp otyrǵan qazaqtyń birtýar aqyn-jazýshysy Rollan Seısenbaevqa «Mertvye brodát v peskah» atty shyǵarmasy úshin Nıkolaı Gogol atyndaǵy ádebı syılyǵyn tabystady. Sondaı-aq ýkraın jazýshysy Rollan Shakenulyna Ýkraına Ǵylym akademıasynyń akademıgi ataǵy berilgenin jarıalady.
Sergeı Dzúba QazUÝ rektory, akademık Ǵalym Mutanovtyń ýkraın tiline aýdarylǵan «Sled na peske» atty óleńin oqydy. «Men rektordyń óleńderin ýkraın tiline aýdardym. Ásirese, «Qumdaǵy iz» jáne «Julynǵan japyraq» óleńderi maǵan qatty unaıdy. Jaqyn arada óleńder Ýkraınanyń belgili «Vselennaıa» jornalynda jarıalanady», – dep atap ótti Sergeı Dzúba.
Sondaı-aq, jınalǵan qaýym aldynda QazUÝ rektory Ǵalym Mutanovqa Halyqaralyq ádebıet jáne óner akademıasynyń fılosofıalyq poezıaǵa qosqan úlesi úshin marapatynyń tabystalýy keshtiń qýanyshty tosynsyıyna aınaldy.
«Halyqaralyq Abaı klýby men «Amanat» jornaly álem halyqtarynyń tili men mádenıetin, rýhanı baılyǵyn saqtap qalý úshin teńdessiz úles qosyp otyrǵan shyǵarmashylyq zıaly qaýymnyń basyn biriktirýde», – dedi Rollan Seısenbaev.
Shyǵarmashylyq kezdesý barysynda Rollan Seısenbaev jınalǵan qaýymǵa rızashylyǵyn bildirip, TMD elderinen kelgen kórnekti aqyn-jazýshylardy Halyqaralyq Abaı klýbynyń medalimen marapattady.
