Almatyda polısıa qyzmetkerlerine shabýyl jasaǵan atyshýly Rýslan Kúlikbaev pen onyń 5 sybaılasy sotqa jiberildi, - dep habarlaıdy  Qamshy.kz QazAqparatqa  silteme jasap. 

Qala prokýratýrasynyń saıttaǵy málimetterine qaraǵanda, QR Bas prokýratýrasynyń vedomstvoaralyq tergeý toby arnaıy prokýrordyń basshylyǵymen Almatyda 2016 jyldyń 18-shildesi kúni bolǵan terorıstik aktke baılanysty qylmystyq is boıynsha sot aldyndaǵy tergeý jumystary aıaqtady. 

Kúlikbaev birneshe qanquıly tonaý jáne qaraqshylyq áreketterge qatysty bolyp otyr. Tergeý amaldary bastalǵan alǵashqy kúnnen bastap-aq qala prokýrory qadaǵalaý jumystarynyń tıimdi bolýyn qamtamasyz etý úshin prosesýaldy prokýrorlar tobyn qurdy. Olar tergeý jumystarynyń barynsha qysqa merzimde aıaqtalýyna yqpal etti.

Tergeý toby 57 sot saraptamasy men zertteýler júrgizdi jáne bolǵan oqıǵanyń barlyq jáıtterin anyqtaý maqsatynda 200-den astam kýágerler men oqıǵany kórgen adamdardy tergedi. 

2016 jyldyń 12 qazanynda 60 tomnan turatyn qylmystyq istiń materıaldaryn zertteý nátıjesi boıynsha, sotqa Kúlikbaev pen ózge de azamattar joldandy.

R.Kúlikbaevqa nátıjesi 8 quqyq qorǵaý jáne arnaıy organdardyń qyzmetkerleriniń jáne 2 beıbit turǵynnyń ólimine alyp kelgen terorıstik akt jasady degen aıyp taǵyldy. Sonymen qatar ol 3 beıibit turǵyndy óltirmek boldy dep aıyptalyp otyr.

Sondaı-aq R.Kúlikbaevpen birge sotqa atys qarýyn zańsyz saqtap, ózimen birge alyp júrip, daıyndap, R.Kúlikbaevpen birge M. atty kásipkerdiń úıine qaraqshylyq shabýyl uıymdastyrǵan R.Lú, J.Saparbekov, D.Ásembekuly, E.Qusaıynov, N.Ábdimomyn da sotqa berildi.

Qylmystyq is Almaty qalasynyń qylmystyq ister jónindegi arnaıy mamandandyrylǵan aýdanaralyq sotyna joldandy.