Bul suraqtyń jaýabyn Qamshy.kz tilshisi izdep kórdi. Búginde qala turǵyndary ǵana emes, alys aýdan ortalyqtary da gambýrger, chızbýrger, bıgmak degenderge úırenip ketti. Túski asqa ýaqyt az bólinetin mekemelerde isteıtin kisiler úshin arasyna sosıska salǵan nemese sıyr etinen ázirlengen kotlet qystyrylǵan shaǵyn bólkeler úırenshikti asqa aınalǵandaı.

Mamandar fastfýdtyń adam aǵzasyna zıany týraly kóp aıtady. Biraq osy «qazir-ázir» bólkeler nesimen zıan? Endi osyǵan toqtalaıyq.

Fastfýd ataýlynyń quramynda taǵamdyq jasandy qospalar bar

Al jasandy qospa ataýly adamnyń ishki qurylysyna orasan zıan ekeni belgili. Gambýrger, chısbýrgerlerdi jıi jegen adamnyń as qorytý júıesi buzylyp, aýrýǵa shaldyǵady.

Fastfýdqa qosylatyn maılar kanseregendik elementter bóledi

 Al bul ishek-qarynǵa qandaı apat ákeleri aıtpasa da túsinikti. Zıandy elementter adamnyń aǵzasyna tarap qana qoımaı, búırek-baýyr jumysynyń buzylýyna ákep soǵady.

Fastfýdtyń adam azǵasyna eshqandaı paıdasy joq

 Densaýlyqqa zıandy ónimdi jegennen góri ash bolǵan artyq. Búginde elimizde asqazan aýrýlarynyń kóbeıip ketýine de osy fastfýdtyń úles qosyp jatqany jasyryn emes.

Fastfýd jegen adamnyń densaýlyǵy kóp uzamaı  mynandaı zardap tartady:

Artyq salmaq pen semizdik;

İshki qurylystarǵa tas baılaný;

Búırek aýrýlary;

Ateroskleroz;

Gıpertonıa;

Holesterınniń kóbeıýi;

Baýyr aýrýy;

Tisjeginiń kóbeıýi;

Asqazan jarasy men gastrıt,  t.b.

Qysqasy, fastfýdtyń zıandy áser etpeıtin múshesi joq. Onyń eń aldymen semizdikke shaldyqtyratynyn amerıkandyqtardyń ózderi moıyndap otyr. Búginde Amerıkada fastfýd taǵamdarymen kúres sharalary júrgizilýde.  

Iá, quramynda eshqandaı vıtamın, paıdaly zattary joq fastfýdty jegenshe, az ǵana ýaqyt bólip, úıde ázirlengen asty tutynǵan artyq emes pe?

Dana Qamshybek