Qazaqstannyń batys aımaqtarynda dástúrli emes dinı aǵymdardy ustanǵan adamdardyń mektep jasyndaǵy balalary memlekettik ánurandy oryndaýdan jáne dene shynyqtyrý men sýret sabaqtaryna qatysýdan bas tartyp otyr dep,  habarlaıdy Qamshy.kz NUR.KZ – ke silteme jasap.

Dástúrli emes dinı aǵymdardy ustanýshylar tarapynan tóngen qaýip Qazaqstan mektepterine de jetken tárizdi. Jergilikti bılik organdarynyń habarlaýynsha, Atyraý, Aqtóbe jáne Mańǵystaý oblystarynda 200 jýyq oqýshy men stýdent jastar agressıvti dinı aǵymdarǵa bet burǵan.

Ata-analardyń aıtýynsha, hıdjab kıgen qyzdar Qazaqstan Respýblıkasynyń ánuranyn oryndaýdan bas tartyp, ony oryndaý kezinde oryndarynan turmaıdy, dene shynyqtyrý men sýret sabaqtaryna ádeıi qatyspaıdy. Basqa oqýshylar men ata-analar mundaı áreketterden qaýiptenip otyr, joǵaryda atalǵan balalar qurbylaryn «durys emes musylmandar», «opasyzdar» dep til tıgizedi, agresıa tanytyp, «naǵyz ıslam» jolyna túsýge úgitteıtin kórinedi.

Mektepterde hıdjab kıýge tyıym salynǵanyna qaramastan, ata-analar qyzdarǵa oramal taǵýdy toqtatpaı keledi.

Qoǵam qaıratkeri Aıagúl Mırazovanyń aıtýynsha, memleket boıynsha ata-analar men muǵalimderdiń basym bóligi belgilengen erejeni ustanatyn kórinedi.

«Qyzmet babymen Qazaqstannyń túrli aımaqtarynda jıi bolamyn. Elimizde mindetti mektep formasyna qoıylatyn talaptarǵa qatysty oń kózqaras qalyptasqan dep senimmen aıta alamyn. Ata-analar biryńǵaı mektep formasynyń balalar úshin asa yńǵaıly ári tıimdi ekendigin jaqsy túsinedi. Sondyqtan biryńǵaı erejelerdi saqtaı otyryp, bizdiń utarymyz kóp. Kıimge nemese dinge qatysty máselelerge emes, balalardyń bilim deńgeıine jáne olardy tolyqqandy oqytýǵa basymdyq jasaý kerek», - dep atap ótti qoǵam qaıratkeri.

Eń qorqynyshtysy, balalar qazaq memlekettiligi men mádenıetin joqqa shyǵaryp, jergilikti jáne ortalyq bılikti jek kóredi.