Túrkıa Qorǵanys ónerkásibi Komıteti jaǵynan kúndiz de, túnde de, jańbyrda, qar men tuman sıaqty zor aýa raıy jaǵdaılarynda da, bulttyń ústinen de barlaý-baqylaý jasaý múmkindigi bar ANKA Blok B ushaǵyna ıntegrasıa sátti aıaqtaldy dep habarlaıdy túriktiń Anadoly Agenttigi. Atalǵan barlaý ushaǵy tipti qoıý tuman, qalyń bultty klımat jaǵdaıynda da usha alady dep málimdegen ushaqty jasaýshylar.

Túrkıa Qorǵanys ónerkásibi Komıteti sondaı-aq, uzaq ýaqyt áýede júretin MALE UUA júıesin de qosqan. Osynyń arqasynda Túrkıa Ushqyshsyz ushý apparattaryn óndiretin elder arasynan oryn tapty.

Aıta keter bolsaq, Túrkıa «15 shilde» qandy oqıǵasynan keıin qorǵanys salasyndaǵy tehnologıany túgeldeı óz qolyna alatynyn habarlaǵan edi. Oǵan, sol tóńkeriske áreket bolǵan túni tóńkerisshiler ushyrǵan F16 ushaqtaryn joıýǵa Túrkıanyń tóńkerisshiler qolyna túspegen áskerı áýe bazasyndaǵy F16 ushaqtaryn ushyra almaýy sebep bolǵan edi. Atalǵan soǵys ushaǵyn óndirgen AQSH, ushaqtyń dál óz «týystaryna» múlde shabýyl jasamaıtyn etip programmalaǵan. Eske salsaq, sol túni tóńkerisshiler ushyrǵan F16 ushaqtary Ystambul men Ankara kóginde halyqqa qater tóndirgen bolatyn, tipti Túrkıanyń parlament ǵımaratyn da bombalap edi.

Buǵan deıin Túrkıa qorǵanys salasynda 2013 jyly kóp fýnksıaly «Altaı» atty tank ómirge kelgen edi. Atalǵan tank te túrli aýaraıy men jer jaǵdaıynda qozǵala júrip shabýyldaý múmkindigine ıe.

Túrkıa sonymen qatar teńiz qarýly kúshteri úshin de 1999 jyly GENESİS atty baǵdarlama jasap, óz súńgýir kemelerin, teńiz radary, soǵys kemelerin óndire bastaǵan bolatyn.