Aıtysker aqyn Ásem Erejeqyzy ózine qyzyǵatyn, ózin úlgi tutatyn kóp boıjetkenderdiń kókeıinde júrgen suraqtaryna jaýap berip, áleýmettik jelidegi paraqshasyna «Baqytty áıel nemese jas qyzdarǵa keńes» degen ataýmen jarıalady:

«Meniń  Facebook-tegi túrli aıtystar men konsertterde túsken ádemi sýretterimdi kórip bir qyz bala:"Sizderge qarap qyzyǵamyn. Baqyttysyzdar ǵoı" dep jazypty. Oılanyp qaldym. Alla maǵan óner berdi, súıkimdi keskin-kelbet berdi, aqyl-bilimnen de kende etpepti. Baqytsyzbyn dep muń shaqqanym uıat shyǵar. Shúkir Allaǵa. Táýbe deımiz ǵoı. Bizge qarakóz qansha sińlilerimiz qyzyǵa qaraıdy. Biraq, qadirli meniń zamandastarym, Baqyt degen bireýdiń qolyndaǵy jyltyraq emes. Baryńdy baǵalaı bilseń, barǵa qanaǵat etseń - Baqyt degen osy! Baqytty áıel degen kúnara ushaqqa otyryp qala men dalany kezip, tútin shyqqan jerdi túgendep júrgen áıel emes. Baqytty áıel degen kúnige óz otynyń basynda bala-shaǵasyna meıirimin tógip, kúıeýiniń jolyn kútip, jaǵdaıyn jasap otyrǵan áıel. Baqytty áıel degen toıdan tabys taýyp júrgen áıel emes, baqytty áıel ýaqytynda úıinde otyratyn kúıeýine kerek áıel! Meıirimi sheksiz Alla barshamyzdy baqytty etsin dep tileımin».