Bokstan Sankt-Peterbýrgte jastar arasynda ótip jatqan álem chempıonatynda qazaqstandyq boksshy Sadrıddın Ahmedov altynnan alqa taǵyp, taǵy eki boksshy kúmis júldege ıe boldy dep habarlaıdy NUR.KZ.
Fınaldyq jekpe-jekte 69 kelige deıingi salmaq dárejesinde synǵa túsken qazaqstandyq boksshy ýkraınalyq qarsylasy Pavel Gýlany 3:0 esebimen jeńip, altynnan alqa taqty.
Aıta keteıik fınalǵa deıin Ahmedov eki qarsylasyn da nokaýtqa túsirgen.
Sonymen qatar fınalǵa jetken taǵy eki qazaqstandyq boksshy kúmis júldege ıe boldy.
Fınalda 56 kelide judyryqtasqan Samatáli Tóltaev qarsylasy amerıkalyq Marko Kastroǵa jol berse, 75 kelidegi Bek Nurmaǵambet shotlandyq Ýılám Hachınsonǵa ese jiberdi.
Al 81 kelide óner kórsetetin Bekzat Nurdáýletov qola júldeni qanaǵat tutty.
