Osydan 20 kún buryn «Qamshy» portaly «Alty aılyq sábıdi aıaýsyz qurǵan áıel» týraly materıal jarıalaǵan bolatyn.  Onda, Farıza atty qoldanýshy bólisken vıdeoda kishkentaı sábıdi shapalaqpen «Jap myna aýyzdy» dep sabaǵan áıeldiń isi «jurttyń úreıin ushyrǵan» edi. Bundaı qatigezdik jasaǵan bala kútýshiniń Ózbekstannan kelgen, Kýrmanbaeva Aıgýl Kojabaıevna esimdi emıgrant ekeni ǵana belgili bolatyn.

Bul máselege baılanysty «Qamshy» tilshisi dabyl kóterip, QR İshki ister mınıstrligine habarlasyp, resmı aqparat suraǵan. İİM Memlekettik til jáne aqparat departamentiniń dırektory Almas Sadýbaev: Keshe ınternet jelisinde kishkentaı balany uryp jatqan áıeldiń vıdeosy jaryq kórgen bolatyn. Sol boıynsha azamatsha tulǵasyn anyqtaý jumystaryn júrgizip jatyrmyz. Oqıǵanyń anyq-qanyǵy belgili bolǵanda máselege prosesýaldy baǵa beriletin bolady», - degen edi.

Búgin belgili bolǵandaı, Parlament Májilisiniń jalpy otyrysy barysynda tilshiler saýalyna jaýap berý kezinde QR İshki ister mınıstri Qalmuhanbet Qasymov: «Qazaqstan polısıasy náresteni aıaýsyz urǵan áıeldiń isin Ózbekstanǵa tapsyrý baǵytynda jumys istep jatqanyn» baıandady.

 «Ol Ózbekstan azamatshasy, biraq qylmysty bizdiń elde jasady. Qazirgi kezde ol óziniń memleketinde. Sondyqtan da bizdiń qyzmetkerler kórshi elge baryp, ýaǵdalastyqqa sáıkes tergeý júrgizdi. Qazirgi kezde Bas prokýratýra arqyly qylmystyq istiń materıaldaryn Ózbekstanǵa tapsyrý týraly máseleni sheshýdemiz»,-dep túsindirdi Qasymov.