Syı tabaq – qazaqtyń qonaq shaqyrý, qonaq kútý kádesinde kádeli jilikterdiń de ózindik joly, joralǵysy bolady. Syıly qonaqqa, jasy úlken qarıalarǵa, quda-qudaǵılarǵa arnap «syı tabaq» tartady. Syı tabaqqa maldyń basy, janbasy jylqy eti bolǵanda jal-jaıa, qazy-qarta, ortan jilik, beldeme, omyrtqa, qara qabyrǵa syndy kádeli etter asylady. Sıyr-túıe syndy  iri qara bolǵanda, beldeme, jaıa, órkesh, omyrtqa, qaryn-suryn, qı maı asylady, usaq mal bolǵanda, bas, jambas, beldeme, arqa, jaýyryn, ortan jilik, qabyrǵa jáne súbe qabyrǵa, kári jilik, ishek-qaryn toq ishek, júrek, osylardyń eń kádeli, eń maıly, jaıly, qolaıly jilikterin tabaqqa molynan salyp qonaqqa tartady. Muny qazaq kádesinde «syı tabaq» dep ataıdy. 
       Qazaqtar mundaı mol tabaqty keıde «tóre tabaq», keıde «quda tabaq» dep te atap júr. Meıli, qalaı atasa, olaı atasyn, baribir sybaǵa úlken  qurmet-syı.
       Demek, «Tóre tabaqtan tóbedeı et jedik», «Tóbe tabaqtan toımaǵan taý  jese de toımaıdy, arany ashqan qoımaıdy, opalyǵyn da joımaıdy» degen ázildi qaljyńnyń tamshysynda tamyrly oı, toıymsyz qulqyn, ash kózge qaratqan arly sóz jatyr, ashynǵan ashýly kóz jatyr, qabaqqa qaramaı tamaqqa qaraıtyn tar tósti tamaqsaýlardyń taǵylymy jatyr.
       

Bolat Bopaıuly Jota Qajy